Recollida de sinaturas en todos os concellos, actos informativos e mobilizacións centrarán a actividade dxs nacionalistas neste eido nos vindeiros meses para evitar que o PP siga xogando coa nosa saúde
A Mariña, venres 9 de setembro 2022. A sanidade pública de todo o país está a pasar por un dos peores momentos con múltiples problemas tanto na atención hospitalaria, coma na atención primaria. Como é sabido, as políticas sanitarias do Partido Popular levaron a esta situación que se fai notar, e dun xeito moi acusado na nosa comarca, na Mariña.
Desde o ano 2009, coa entrada do Partido Popular na Xunta de Galiza a sanidade mariñá vén sufrindo diferentes recortes e redución de servizos que se viron acentuados coa supresión da Área Sanitaria da Mariña en 2017. Este foi o punto de inflexión que marcou un antes e un despois na calidade da sanidade pública mariñá. Mais co paso dos anos a situación empeorou dun xeito dramático levando a que a sanidade mariñá estea rozando o colapso, tanto no Hospital de Burela como nos Centros de Saúde da maioría dos concellos da comarca.
Esta realidade levou a grandes mobilizacións e protestas por parte de toda a cidadanía, dos e das profesionais sanitarios e da Plataforma na Defensa da Sanidade Pública da Mariña que ano tras ano seguen enchendo as rúas e os formularios de queixas que certifican unha realidade da que todos somos conscientes. “Estamos ante un goberno do PP cruzado de brazos, que non está dando solucións aos grandes problemas que están condicionando a vida da xente, e aí está a asfixia da sanidade pública tras trece anos de recortes e privatizacións, e vemos cada día un novo exemplo de deterioro da sanidade pública” afirmou o deputado Daniel Castro, que tamén se referíu á necesidade de incrementar nun 2,2% os recursos destinados á atención primaria nos próximos orzamentos da Xunta para acadar un mínimo de 200 millóns de euros.
Non podemos permitir que o PP siga xogando coa nosa saúde
Do mesmo xeito, o responsable comarcal Antonio Veiga afirmou que “no Hospital da Mariña, no que aumentan os metros cadrados e diminúen os servizos, segue a incrementarse día a día as derivacións ao HULA, polo que os e as mariñás ven reducidos progresivamente os servizos que teñen dereito a ter e coa agravante de que temos a atención primaria na comarca ao borde do colapso nos centros de saúde. Non podemos permitir que o PP siga xogando coa nosa saúde” cocluíu.
Durante os meses de setembro e outubro, o BNG, realizará recollida de sinaturas en apoio desta ILP en todas as localidades e centros de saúde da comarca, actos informativos e mobilizacións.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
