O programa posibilita que os estudantes desenvolvan 3 meses de prácticas formativas en entidades, concellos, e empresas de municipios de menos de 5.000 habitantes
Láncara, 13 de setembro de 2022. A subdelegada do Goberno en Lugo, Isabel Rodríguez, subliñou hoxe o éxito do programa Campus Rural do Goberno, “unha oportunidade que conecta a estudantes das universidades públicas de Galicia coa realidade laboral, social e económica dos pequenos concellos, o que é un encontro entre a mocidade e o territorio”, indicou.
A subdelegada apuntou que este programa facilitou neste verán a máis de 25 mozos e mozas universitarias galegas acceder a prácticas formativas en administracións locais, asociacións e empresas de concellos de menos de 5.000 habitantes e que na provincia de Lugo chegou a concellos como Trabada, Sober, Folgoso do Courel e Meira, ademáis de Láncara. “Son prácticas remuneradas de 3 meses de duración coas que todos os implicados gañan”, indicou, e anunciou que o Ministerio para a Transición Ecolóxica ampliará os fondos para a edición do vindeiro ano: “a ministra Teresa Ribera vén de anunciar esta medida que sen dúbida é moi positiva para a provincia de Lugo, onde a maioría dos concellos cumpren con este requisito, e que reduce a fenda entre territorios”.
Isabel Rodríguez visitou hoxe as instalacións da residencia Serge A Veiga, no Concello de Láncara, que foi unha das entidades participantes da primeira edición do programa Campus Rural. Alí mantivo un encontro con Mª del Mar Chantre, estudante do Grao de Enfermeria na Universidade da Coruña, que está a realizar prácticas formativas a través deste programa neste centro asistencial, onde foi titorizada polos responsables da residencia.
Campus Rural, impulsado polo MITECO co apoio do Ministerio de Universidades e a Conferencia de Reitores CRUE, permitiu que máis de 380 estudantes de 37 universidades públicas estean a realizar prácticas durante o verán en municipios de menos de 5.000 habitantes de toda España. O Goberno investiu este ano 1,8 millóns de euros nesta iniciativa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
