Irene Samper, Peque, Dany e Jenny foron convocadas coas súas respectivas seleccións

Burela, 19 de setembro, 2022. As internacionais españolas, Irene Samper, Peque e Dany foron convocadas para participar na concentración de adestramentos e partido amigable preparatorios para a Fase de Clasificación do Campionato Europeo de 2023.

As xogadoras do CD Burela FS estarán desde os días 25-29 á disposición da Selección Feminina Absoluta de Fútbol sala, e darán o mellor de sí para conseguir resultados positivos.

Doutra banda, Jenny, foi convocada pola Federación Portuguesa de Fútbol sala para o Campionato de Europa Feminino de Fútbol sala da UEFA 2022/23 – Grupo 3 – Rolda preliminar – Portugal. A lusa, estará concentrada do 25 ata o 28 para dar o máximo coa súa selección.

O club desexa que as xogadoras teñan un desempeño excelente nas súas convocatorias e seguir mandando xogadoras de calidade ás seleccións nacionais.