Ribadeo, 26 de setembro de 2022. Acisa prepara unha nova edición das xornadas gastronómicas Asturias en Ribadeo, que se celebrarán os días 21, 22 e 23 do vindeiro mes de outubro. Este foi un dos asuntos abordados no encontro mantido pola xunta directiva do colectivo empresarial, que anima á hostalería local a inscribirse e participar nesta cita.
A presidenta de Acisa Ribadeo, Carmen Cruzado, subliñou que “retomamos con esta cita algunhas propostas de anteriores directivas que tiveron unha grande acollida tanto entre os locais hostaleiros como entre a súa clientela. Por este motivo decidimos apostar polas xornadas gastronómicas Asturias en Ribadeo, que se van celebrar do 21 ao 23 de outubro. Queremos render así homenaxe á veciñanza asturiana, que todas as fins de semana do ano se achega ata Ribadeo a tomar os viños, os vermús, a comer, a cear, a pasear ou a mercar no comercio local. A súa presenza é moi importante para nós e por iso volven estas xornadas”.
O xerente da Asociación de Comerciantes, Industriais, Servizos e Autónomos, Jesús Pérez, explicou que “os locais participantes ofrecerán tapas e menús especiais ao longo desa fin de semana do vindeiro mes de outubro. Animamos á hostalería local asociada a Acisa a irse anotando xa para participar nesas xornadas gastronómicas, que tan boa acollida tiveron nas edicións pasadas”.
Cruzado Iglesias sinalou que “as xornadas gastronómicas Asturias en Ribadeo foron desde o primeiro momento un reclamo tanto para os residentes na Mariña lucense como para os veciños e veciñas do Principado, de aí que as organicemos de novo este ano. Queremos animar a asturianos e galegos que vaian facendo un oco nas súas axendas para vir a Ribadeo a saborear todas as propostas que nos ofrecerá a hostalería local: fabada, potaxe, cachopos… non van faltar”.
Este foi un dos asuntos abordados na última reunión de traballo mantida pola xunta directiva de Acisa, na que tamén se programou para toda unha fin de semana a celebración en novembro do Black Friday, que será do 25 ao 27. Pérez Prada dixo que “será unha fin de semana de vendas importantes, na que moitas persoas xa aproveitan para facer compras de Nadal, beneficiándose así das promocións e descontos que atoparán no comercio de Ribadeo”.
A presidenta de Acisa Ribadeo engadiu que “o Nadal está aí, á volta da esquina, e desde Acisa os nosos esforzos vanse centrar nesas datas. Xa podemos adiantar que volverá de xeito presencial a Festa do Comercio, na que sortearemos importantes premios. Era un sábado moi especial para o comercio e para a hostalería de Ribadeo, pola cantidade de persoas que se achegaban a ver o sorteo. Houbo que deixar de celebralo coa chegada da pandemia ás nosas vidas e agora que xa volvemos á normalidade consideramos que é o momento de recuperalo”.
O xerente de Acisa dixo que “quedan semanas de preparativos e de traballo para a campaña de Nadal, pero queremos que sexa importante para o comercio e para hostalería de Ribadeo. Estamos traballando nesa cita e ao longo das vindeiras semanas iremos dando conta de todo ilo ás nosas asociadas e asociados e tamén á sociedade ribadense e da contorna”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
