Ribadeo, 1 de setembro de 2022. Acisa fai un balance positivo de agosto, no que a ocupación hostaleira se situou no 95% de media. O pasado foi un bo mes sobre todo para a hostalería.
A presidenta da Asociación de Comerciantes, Industriais, Servizos e Autónomos, Carmen Cruzado, subliñou que “este foi o primeiro verán de normalidade, tras os dous anteriores que viñeron marcados pola pandemia da covid. Os datos que nos pasan os hostaleiros locais apuntan a que o mes de agosto foi moi bo. Hai que lembrar que no 2019 e nos anos anteriores as ceas practicamente desapareceran dos restaurantes e este verán houbo locais que estableceron dúas quendas para as ceas e outras dúas ou máis para as comidas. En liñas xerais o de 2022 foi un gran verán para Ribadeo. E aínda queda setembro, que cada vez nos trae máis xente. Pero hai que ter en conta tamén que os gastos para o sector hostaleiro e comercial incrementáronse moito nos últimos meses. Iso hai que telo presente, a inflación está aí, o prezo da luz, etc… ”.
O xerente de Acisa, Jesús Pérez, indicou que “a ocupación hostaleira de media en agosto estivo no 95%. Hai que destacar que houbo algúns hoteis que estiveron completos durante todo o mes. E no caso do comercio, dependendo dos sectores, en xeral agosto foi bo. As cifras de negocio melloraron na hostalería e hai casos nas que superaron os datos acadados en 2019. No tocante ao comercio mantéñense nos niveis do ano pasado en liñas xerais. Tamén temos socias e socios que nos comentan que foi un moi bo verán”.
A presidenta de Acisa sinalou que “as prazas para acceder á praia das Catedrais completáronse moitos días en agosto. Volveron as excursións organizadas. Non podemos esquecernos do Camiño de Santiago ao seu paso por Ribadeo e que cada vez rexistra unha maior afluencia de peregrinos. Recuperouse o turismo estranxeiro procedente de Francia, Italia, Alemaña e Portugal, sobre todo. E cada vez recibimos máis turismo nacional que fuxe das olas de calor, que busca poder respirar, gozar dunha grande paisaxe e saborear unha exquisita gastronomía”.
Sobre as expectativas para setembro o xerente de Acisa comentou que “sempre soe ser un bo mes para Ribadeo, cun tipo de turismo totalmente diferente ao de agosto. Trátase de visitantes que buscan a tranquilidade do mes que hoxe iniciamos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
