Foz, 23 de setembro de 2022. AciaFozCCA sorteará 2.000 euros en premios na campaña que desenvolverá do 29 de setembro ao 29 de outubro. Denomínase Este mes compras gratis no comercio de Foz.
O presidente de AciaFozCCA, José Carlos Paleo, explica que “os clientes o que teñen que facer é cubrir os boletos que lles entregarán nos locais asociados con cada compra que fagan por un importe superior aos 10 euros entre o 29 de setembro e o 29 de outubro. E logo teñen que estar pendentes de Radio Foz o día 4 de novembro, que será a data na que faremos o sorteo de 2.000 euros en vales ce compra para gastar durante o mes de novembro”.
Paleo subliña que “o que queremos con esta campaña é dinamizar o comercio e a hostalería nos meses de outubro e de novembro”. Este mes compras gratis no comercio de Foz sorteará 6 premios de 100 euros, 2 premios de 200 euros, 1 premio de 400 euros e 1 premio de 600 euros.
O presidente de AciaFozCCA presentou a campaña este mediodía xunto ao alcalde, Fran Cajoto, con quen mantivo un encontro no que falaron do verán, das vindeiras campañas a realizar e das preocupacións das asociadas e dos asociados a AciaFozCCA. O presidente do colectivo empresarial focense valora en máis de 6000 euros os premios para estes dous meses: “en outubro estarán en activo en Foz dúas campañas e o vindeiro mes de novembro serán catro as campañas que potenciarán o comercio local, ademais das xornadas gastronómicas na hostalería. Son todas actividades anteriores á campaña de Nadal”.
O alcalde, Fran Cajoto, indicou que “parécenos moi importante a acción que está a levar a cabo Acia de Foz. Cremos que é mais necesario que nunca apoiar ao comercio local, especialmente fora da temporada de verán, cando triplicamos poboación”. O rexedor manifestou: “por iso estas campañas, que conseguen atraer clientes, son sempre unha boa nova. Ademais axudan a que mais xente se achegue a Foz e tamén o coñeza. O Concello participa activamente coa asociación de comerciantes local”.
Fran Cajoto lembrou que “no ano 2020 duplicamos a subvención que viña recibindo a Acia pasando de 15.000 a 30.000 euros para paliar os efectos do covid. Esa cantidade mantivémola no ano 2021 e tamén no 2022. Esta é a forma de colaborar, financiando esta campaña e outras que promove a asociación focega e que axudan tanto aos comerciantes, que non deixan de ser veciñas e veciños de Foz”.
Todas as campañas que se levarán a cabo nas vindeiras semanas, organizadas por AciaFozCCA, contan co patrocinio do Concello de Foz e da Xunta de Galicia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
