Ribadeo, 26 de agosto de 2022. A firma Vitaldent (Rexistro sanitario C-27-001013) acaba de integrarse na Asociación de Comerciantes, Industriais, Servizos e Autónomos de Ribadeo e ofrece condicións vantaxosas para socios e socias do colectivo empresarial así como para empregados e familiares para o coidado da súa saúde bucodental.
Vitaldent pretende que os socios e socias de Acisa Ribadeo poidan aforrar no coidado da súa saúde.
Para iso segundo explicou, Jesús Pérez, xerente de Acisa, “a oferta vai dirixida a empresarios asociados a Acisa Ribadeo, empregados destes establecementos e aos seus familiares. A devandita promoción consiste en ofrecer un desconto do 50% en implantes e un 20% en tratamentos de ortodoncia. Promoción válida para presupostos aceptados ata o 7 de setembro do presente ano. Estes descontos non son acumulables a outros e/ou promocións. Aplicaranse solo nas liñas de tratamento de implante e fase cirúrxica, e no total do presuposto no caso dos tratamentos de ortodoncia, tanto fixa como con alineadores. Tratamentos sempre baixo prescrición médica”.
E engade: “para os socios de Acisa Ribadeo, Vitaldent ofrece ademais un financiamento especial de ata 60 meses sen xuros, TIN 0%, TAE 1.21% e cunha comisión de apertura só do 3%. Un exemplo: prezo de adquisición ao contado de 3.000€, o prezo total a prazos e o importe total adebedado sería de 3.090 euros, cunha comisión de apertura do 3% a abonar na primeira cota, de 90€, quedando por tanto unha primeira cota de 140€ e as restantes de 50€, polo que o coste total do crédito é de 90€ e o importe total de intereses de 0€. Vitaldent utilizou para o cálculo das cotas o sistema de amortización francés, é dicir, cotas periódicas e constantes. Este sistema ofrece unha tranquilidade a hora de enfrontarse a pagos de certa índole, pero que nestes casos son necesarios ao estarnos a referir á saúde. Dito financiamento non é acumulable a outras ofertas ou promocións, e a financiación estará suxeita á aprobación por parte de Sabadell Consumer Finance, S.A.U. Para poder aproveitarse desta promoción Vitaldent manterá esta oferta válida ata o 7 de setembro deste presente ano”.
Pérez Prada indicou que “ademais, para todos aqueles que se apunten a facer unha primeira visita a Vitaldent estes días, ademais da revisión e a radiografía panorámica de balde, regalaranlles un cepillo bucal eléctrico, que axudará a manter unha correcta hixiene das nosas bocas na casa”.
A presidenta de Acisa, Carmen Cruzado, comentou: “en Acisa seguimos a traballar no obxectivo de incrementar pouco a pouco a cifra de asociados, algo que parece que estamos a conseguir pasiño a pasiño. E importante que o consigamos porque cantos máis sexamos mais actividades poderemos organizar e mais servizos poderemos prestar. Neste sentido é importante destacar estas colaboracións, convenios ou servizos que podemos ofrecer grazas ás novas altas, xa que son dobremente importantes, non so supón un aumento no número de socios se non que ademais conseguimos mellorar ou ampliar os servizos que lles ofrecemos ás nosas asociadas e asociados”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
