Ribadeo, 5 de agosto de 2022. Nas últimas horas foi inaugurada no Forte San Damián unha exposición de pintura de Vicente Barreira, que se poderá visitar ata o 27 de agosto.
A concelleira de Cultura, Pilar Otero, contou que “ata o 27 de agosto ocupará as salas do Forte San Damián a obra do pintor valenciano nacido en 1947 Vicente Barreira, co título de Paisaxes”.
A edil ribadense subliñou que “coma cada verán o Forte volve ser o seo da aposta expositiva en Ribadeo e desta volta as persoas que o desexen poderán visitar o espazo de luns a xoves de 17.00 a 20.30 horas e os venres, sábados, domingos e festivos ás mesmas horas polas tardes e ademais de 11.00 a 14.00 horas polas mañás”.
Pilar Otero contou que “Vicente Barreira é fillo, neto e bisneto de artistas pintores, así que de forma natural continúa a vocación familiar. Ingresou na Escuela Superior de Bellas Artes de San Carlos en 1965. Alí realizou estudos completos de pintura e en 1970 obtivo o título de Profesorado. É licenciado en Belas Artes pola Universidade Politécnica de Valencia. Ten sido docente na súa propia cidade durante décadas. A súa pintura pode encadrarse no realismo da paisaxe urbana, recoñecéndose debedor da pintora Amalia Avia, dos mestres flamencos do Renacemento e de Edward Hopper”.
Otero Cabarcos anima a achegarse a este espazo: “animamos a ribadenses e visitantes a pasarse polo forte de San Damián e a disfrutar non so das súas vistas e deste espazo tan bonito, senón tamén desta marabillosa exposición”.
Pola mostra pasaron xa a concelleira de Cultura, Pilar Otero e o alcalde, Fernando Suárez.
Fado mañá, sábado
O Concello de Ribadeo organiza este sábado, 6 de agosto, un concerto de fado de Iria Estévez, que estará acompañada por Artur Caldeira tocando a guitarra portuguesa e por Daniel Paredes na viola de fado.
A actuación terá lugar ás 13:00 horas no Campo de San Francisco. En caso de chuvia trasladarase ao auditorio Hernán Naval.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
