Xove, 16 de agosto, 2022. Despois do grande éxito acadado no Festival Folk Celta de Ponte da Barça (Portugal) e máis no festival Almuenza Folk (Palencia) o gaiteiro e frautista pontevedrés Oscar Ibáñez chega este xoves 18 de agosto ás 22 h á Praza do Concello de Xove, dentro da programación das Festas do San Bartolo e a Virxe do Carme, como parte dos concertos do Xacobeo, promovido pola Xunta de Galicia e o Concello de Xove. Entre agosto e setembro, e tamén dentro da programación do Xacobeo, está a levar a súa música aos concellos de A Lama, Pontevedra, Monterrei e Cortegada, Ourense; Padrón, A Coruña; e xa fóra deste ciclo a finais de agosto actuará na Xuntanza Internacional de Gaiteiros no Castelo de Monterrei, no que participarán algúns dos máis destacados gaiteiros e gaiteiras do mundo.
Oscar Ibáñez é un gaiteiro e frautista fascinante que realiza una fusión musical sen límites partindo das raíces, a medio camino entre investigación e creación, que ten como resultado un nuevo e persoal son. Os seus comezos tiveron lugar nos grupos de música tradicional de Pontevedra Treboada, Pai da Cana e Celme, co que percorreu toda Europa participando en festivais internacionais de folclore, a docencia nos centros galegos de máis de 10 países de Europa e América e na súa participación nos concursos de gaita galega de maior prestixio, nos que obtivo máis de 40 premios.
A súa Tribo está formada por importantes músicos de longa e recoñecida traxectoria, que formaron parte das bandas dos artistas e grupos máis destacados da música folk galega, como Fernando Fraga (Carlos Núñez), acordeón; Harry.c (Milladoiro), violín; Manuel Cebrián (Mercedes Peón), guitarra; Paco Dicenta (Mercedes Peón), baixo; Carlos Castro (Budiño), batería e percusión; e Carla Villanueva (Oscar Ibáñez & Tribo), xilófono; e cinco gaiteiros da Banda de Gaitas Suevia de Porto do Son, dirixixos por Xosé Romero Miguéns, da saga familiar do célebre grupo Os Rosales de Asados, Rianxo.
Con esta formación realizou máis de 200 concertos por toda a Península Ibérica, Bretaña e Italia participando nalgúns dos festivais internacionais máis importantes como: Festival Intercéltico de Lorient (Lorient, Bretaña); Festival Capodanno Céltico (Milán, Italia); Festival Internacional da Máscara Ibérica (Lisboa, Portugal); Festival Inter-Atlântico de Gaita de Foles (Ponte de Lima, Portugal); Festival Beltane (Perraes, Portugal); Festival Sons da Celtiberia (Vila Nova de Famaliçao, Portugal); Festival do Mundo Celta de Ortigueira (Ortigueira, Galicia); Festival Intercéltico do Morrazo (Moaña, Galicia); Festival de la Luz (Boimorto, Galicia); Festival Folk de Guísamo (Bergondo, Galicia); Festival Folk As Pontes (As Pontes de García Rodríguez, Galicia); Festival Internacional Celta Reino de León (León, Castilla y León); Festival Folk Canarias (Telde, Gran Canaria); Festival Sauga Folk (Colindres, Cantabria); Festival Folk Plasencia (Plasencia, Extremadura) ou o Festival Intercéltico d’Occidente (Tapia de Casariego, Asturias), entre outros.
Oscar Ibáñez participou en máis de 20 traballos discográficos entre os que destacan os seus discos en Solitario Alén do Mar (VIR, 2012), no que fusionou a música de Galicia e América Latina a través da emigración, E Aires de Pontevedra (Inquedanzas Sonoras, 2017), co que homenaxeou ao célebre gaitero de Viascón Ricardo Portela (1920-1992) co gallo do 25 aniversario de su pasamento. Como investigador publicou os libros-CD Os Montes de Lugo (Ouvirmos, 2007), O Quinteto Monterrey (Dos Acordes, 2009) e Xoán Tilve Gaiteiro de Campañó (aCentral Folque, 2015). É ademáis ideólogo e promotor de eventos como Musgafol, Encontro de Gaiteiros Manuel Villanueva Gaitas de Fol do Noroeste, Juelles. Encuentro de Gaitas Europeas e Piperegrinos. As Gaitas do Camiño.
Na actualidade está a representar o seu espectáculo Da Terra, no que repasa os temas máis destacados dos seus traballos discográficos Alén do mar e Aires de Pontevedra, e no que tamén presenta algúns temas do seu novo disco, que gravará durante este próximo inverno, nunha espectacular e enérxica viaxe sonora a través música tradicional galega chea de orixinalidade, imaxinación e creatividade nunha mestizaxe musical innovadora na que predomina a sonoridade celta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
