Os populares defenderán no pleno do xoves tres “interesantes” iniciativas en beneficio da xuventude, os veciños en terapia de recuperación física e empresarios e emprendedores
Burela, 2 de agosto de 2022. O Grupo Municipal Popular de Burela presentará no pleno deste xoves tres iniciativas que consideran “moi interesantes” para os veciños e veciñas. Especialmente para a xuventude, as persoas que pasan por un proceso de recuperación física e para os colectivos de empresarios e emprendedores.
O voceiro, Manuel Rouco, explica que “no primeiro caso estamos a falar dunha iniciativa que se recoñeza de xeito público e se premien os excelentes resultados académicos do alumnado de Burela”. Os populares recollen na súa proposta a creación duns premios municipais que “non só estean dotados do correspondente diploma acreditativo e dun galardón, senón tamén dunha contía económica que poñan máis en valor os méritos acadados polos estudantes da nosa vila”.
A segunda das iniciativas que o Grupo Municipal Popular defenderá no pleno está encamiñada a “favorecer a recuperación dos veciños que por dificultade ou imposibilidade para desprazarse é aconsellable que reciban coidados terapéuticos no seu domicilio”. Nese sentido, os populares demandan “a creación dun servizo de fisioterapia a domicilio de carácter municipal que dignificaría máis aos usuarios e melloraría as condicións sociais e terapéuticas dos mesmos”.
Rouco explica que a terceira das iniciativas está dirixida a solicitar que o Concello de Burela se adhira á iniciativa ‘Concellos Emprendedores’ que puxo en marcha a Xunta de Galicia. “Sorprendentemente nin o señor Llano nin o seu equipo consideraron oportuno que o noso concello estivera incluído ata o día de hoxe”, di o voceiro popular.
Os populares manifestan a súa sorpresa ante este asunto porque “isto suporía unha vantaxes competitiva clara para Burela á hora de solicitar axudas ou subvencións xestionadas polo goberno autonómico e das que xa dispoñen Concellos coma Cervo, Xove, Lourenzá ou Barreiros que decidiron adherirse a esta iniciativa xa fai tempo”. Con esta adhesión os empresarios e emprendedores tamén se beneficiarían de vantaxes fiscais coma a redución de ata o 95% do imposto de construcións (ICIO), de actividades económicas (IAE) ou de bens inmobles (IBI). Así mesmo, disporían de maior simplificación e axilidade na tramitación administrativa coma a concesión de licencias administrativas de obra maior nun prazo máximo de 30 días naturais.
Fiscalización, pero tamén propostas e alternativas
O Grupo Municipal Popular segue, deste xeito, a presentar tantas iniciativas ante o pleno da corporación local coma o actual equipo de goberno. “Lideramos esta apartado unha vez máis ao mesmo tempo que somos a única formación que non só fiscaliza con rigor as actuacións do actual goberno local do señor Llano, senón que tamén presenta propostas e alternativas ao mesmo”, conclúe Rouco.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
