“Queremos ter unha sanidade pública e de calidade, e non un PAC desatendido e cos profesionais sanitarios soportando unha carga de traballo inhumana”, avanzou Marta Rey
Ribadeo, 2 de agosto de 2022. Os Socialistas de Ribadeo critican o desmantelamento sanitario que sofre o Concello. A Voceira Socialista, Marta Rey aludiu as constantes queixas dos usuarios do PAC e da veciñanza da Comarca, na que se evidenciou que só había un equipo medico nestas datas. Este equipo sanitario inclúe un médico, un enfermeiro e un administrativo para atender aos doentes de Ribadeo, Barreiros e Trabada.
A Voceira Socialista explica que este mesmo equipo “tamén é o responsable de dar cobertura aos desprazados, que neste época do ano aumentan de xeito exponencial nestes concellos, así como os doentes que por circunstancias médicas teñen que ser atendidos nos seus domicilios particulares”. “Son arredor de 14.000 persoas a carga de traballo que recae en tan só tres profesionais sanitarios do PAC de Ribadeo. Está é a sanidade do PP, recortes e peches”.
Dende o PSdeG emprazamos ao PP a mellorar a asistencia sanitaria na nosa provincia, cun reforzo na atención de primaria. Hai que lembrar que Galicia é a comunidade onde máis baixou o investimento na atención primaria. E preguntouse porque o Goberno de Rueda “pide tantas prazas MIR, se despois non se lles ofrecen condicións laborais dignas”, insistiu.
Nesa liña tamén aludiu as constantes escusas do PP en relación a contratación das prazas MIR. A propia Xunta estivo de acordo coa última asignación de prazas MIR e seu reparto por comunidades, pois a Galicia concedéronlle un total de 207 este ano, a cifra máis elevada das últimas décadas.
A Xunta deixou sen gastar 200 millóns de euros
Marta Rey incidiu que estes mesmos dias dende o grupo socialista no Parlamento de Galicia, denunciou que a Xunta deixou sen executar máis de 200 millóns de euros dos fondos covid, e que se acabaron destinando a “cadrar contas, en vez de reforzar a asistencia sanitaria nos momentos peores vividos durante a pandemia”. “A xestión do PP queda en evidencia, e o PAC de Ribadeo é o verdadeiro exemplo do abandono e da desidia do PP en materia sanitaria”.
O PP ten que reverter esta situación e investir en sanidade
“De pouco nos sirve que se anuncie a bombo e platillo un centro de saúde na nosa vila, si non vai contar cos profesionais sanitarios necesarios para atender aos seus usuarios. Queremos ter unha sanidade pública e de calidade, e non un PAC desatendido e cos profesionais sanitarios soportando unha carga de traballo inhumana. O PP ten que reverter esta situación, investir en sanidade e abrir un proceso de diálogo cos profesionais do sistema sanitario para deseñar conxuntamente ofertas de emprego con criterios de discriminación positiva no deseño das OPE,”, din dende o PSdeG.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
