A Administración local segue a facer unha decidida aposta pola xestión pública “sendo o municipio de Galicia que máis servizos exerce de xeito directo”
Cervo, 27 agosto de 2022. O Concello de Cervo vén de aprobar en pleno os orzamentos deste ano cuxa cifra ascende a 8.374.551,77 euros.
Tal e como preciou a edil de Facenda, Dolores García Caramés, presentamos uns orzamentos realistas, que responden aos principios da prudencia e da responsabilidade, co obxectivo sempre de seguir a prestar uns servizos públicos de calidade par a nosa veciñanza, cumprindo os principios da eficiencia e da eficacia na xestión do gasto público; e sen incrementar a carga impositiva á veciñanza.
Así –engadiu- estes orzamentos volven reflectir a clara aposta deste equipo de goberno pola xestión directa, o que sitúa a Cervo como o municipio de Galicia con máis servizos públicos (saneamento, recollida de lixo, abastecemento de auga, escola infantil, piscina municipal, entre outros). Nas contas tamén hai un incremento sensible nas partidas de servizos sociais (polo reforzo do servizo de axuda no fogar).
Afortunadamente, quedou superada tamén a crise sanitaria, o que nos permite volver a unha certa normalidade, e recuperar a actividade social, cultural e de lecer. Para o que se reserva tamén unha partida importante dentro do orzamento no capítulo de gastos corrente que ascende desde os 2.245.493 ata algo máis de 2 millóns e medio de euros.
Seguimos, así mesmo, estando ao carón do tecido social de Cervo, ofrecendo axudas directas ás diferentes asociacións e clubs deportivos que son máis fundamentais que nunca no día a día do noso Concello, e cuxa actividade tamén se viu tremendamente comprometida pola pandemia. Polo que estas axudas son un impulso para poder ir retomando a súa actividade. Así mesmo tamén se segue apoiar á comunidade educativa con axudas para o transporte, para os centros educativos, as ANPAS, e as familias.
No orzamento para este ano, tamén seguen a ter especial relevancia as políticas de fomento de emprego, cuxo exemplo máis significativo son as bolsas de formación remuneradas para a mocidade, para as que se destinan 140.000 euros do orzamento municipal.
O capítulo de investimentos supón un 19,88% do total dos créditos orzamentarios do Estado de Gastos. E é que este equipo de goberno ten plantexadas e en marcha unha serie de obras e actuacións de gran calado, moi importantes para este Concello que se materializarán nos vindeiros meses.
Un exemplo poden ser os pasos que se foron dando todos estes anos para tentar acabar co feísmo e recuperar espazos como o da Atalaia. Logo dun proceso administrativo e burocrático moi longo e prolongado no tempo, de anos, finalmente as xestión e o traballo están a dar o seu froito. O obxectivo deste equipo de goberno vai tomando forma e vaise materializar a curto prazo. Para elo, temos reservada unha importante contía do orzamento, ademais dos acordos que temos xa subscritos coa Xunta de Galicia para recuperar toda a contorna.
Outros proxectos contemplados de gran calado son o paseo peonil de Sargadelos ou a renovación das pistas de atletismo da Veiga, entre outras moitas actuacións, sen esquecernos do saneamento e do abastecemento de auga, porque queremos mellorar as infraestruturas e a calidade de vida da nosa veciñanza, tanto das zonas rurais como urbanas, desde o noso equipo de goberno traballamos decididamente para que as inversións cheguen a cada recuncho do noso municipio.
Esta contas manteñen as liñas que vimos marcando nestes anos baseadas na aposta polo mantemento da calidade na prestación do servizos públicos, pola vía da racionalización do gasto e do necesario cumprimento dos obxectivos de estabilidade orzamentaria.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
