A nova dotación cultural incrementará a oferta de servizos municipais na área Rexurbe, o ámbito máis emblemático de Mondoñedo cuxa rehabilitación urbanística e inmobiliaria avanza con decisión
Mondoñedo, a 21 de agosto de 2022. A xornalista Esther Eiros Rascado, natural de Bretoña, dona ao Concello de Mondoñedo a propiedade de bibliografía composta polos seus libros de viaxes a nivel nacional e internacional, guías e fotografías, así como un resumo dos premios e recoñecementos ao longo dos seus 52 anos de profesión, 33 co premiado programa radiofónico ‘Gente Viajera’. Eiros e o alcalde, Manuel Otero, firmaron este venres o acordo nun acto na Casa do Concello.
Mondoñedo creará, deste xeito, o espazo Esther Eiros, Gente Viajera que a xornalista ofrece á memoria da súa tía Purificación Rascado Alonso, “la persona que me regaló mi primer libro de tapas blandas con poesías de Rosalía de Castro que -junto a la lectura del clásico Cumbres Borrascosas, de Emily Brontë, y de obras de Emilia Pardo Bazán- me inclinó hacia el periodismo, escribir historias y poesía”. Eiros explica, en relación ao seu interese pola información turística, que naceu “partiendo de aquella maleta de cartón que me llevó a la capital de España desde la estación de Lugo a Madrid en el que era mi primer viaje en tren. Desde entonces ha llovido mucho. Y ahora estoy viendo el resurgir de la bella ciudad de Mondoñedo, a donde llegan muchos peregrinos por el Camino Norte de Santiago”.
A xornalista colaborará tamén de forma altruísta na produción de conferencias e actos culturais e na súa difusión a nivel nacional.
O Concello expresa o seu agradecemento por esta doazón e levará a cabo, pola súa parte, accións para promover e dar a coñecer a biblioteca que se situará en dependencias municipais e estará aberta ao público en xeral que poderá consultar nelas a bibliografía ou recoller os libros ou guías como préstamo temporal.
A nova iniciativa cultural incrementará a oferta de servizos municipais na área Rexurbe, no ámbito urbano cuxa rehabilitación urbanística e inmobiliaria avanza con decisión, co impulso do Concello e da Xunta de Galicia.
Recoñecida traxectoria e vínculos con Galicia
Eiros, directora do programa radiofónico ‘Gente Viajera’, de Onda Cero, está en posesión, entre outras distincións, da Medalla Castelao da Xunta de Galicia outorgada o pasado ano 2021; a Medalla ao coñecemento turístico do Goberno de España, o Premio ONETTE das oficinas de turismo estranxeiras en España, o Premio Internacional de Periodismo – Paradores de España, a Medalla de Plata de Turismo de Francia, a Medalla de Turismo da Generalitat, o Premio de Turismo Madrid Excellence 2002, unha Antena de Oro 1998 e dous Micrófonos de Oro (2004 e 2006).
A xornalista, que tamén formou parte do Consello Nacional de Turismo con distintos Gobernos e que foi nomeada no 2020 en Samos ‘Embaixadora do Camiño’, destaca que o éxito acadado como profesional das ondas tamén se debe “a los magníficos colaboradores y a mi equipo que me han acompañado hasta esta temporada”. Recoñece así que “lo que más me ha emocionado ha sido la Medalla Castelao en el año 2021; algo que hubiera disfrutado mi padre Luis Eiros, que siempre solía decir cuando no quería responder a alguien: preguntas más que Castelao”, segundo lembra con cariño.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
