A subdelegada e o alcalde presiden a xuntanza que estuda o operativo da Maruxaina e analiza o estado da seguridade no municipio de Cervo
Cervo, 8 de agosto de 2022. A subdelegada do Goberno en Lugo, Isabel Rodríguez, ofreceulle ao alcalde de Cervo, Alfonso Villares, todo o apoio necesario das forzas de seguridade para garantir o éxito da festa da Maruxaina e que as veciñas e veciños de San Cibrao, así como todos os visitantes, poidan disfrutar con liberdade e seguridade do evento. Isabel Rodríguez destacou a colaboración do persoal dos corpos de seguridade co Concello durante a Xunta Local de Seguridade celebrada esta mañá, que presidiron a subdelegada e o alcalde, Alfonso Villares. Na reunión participaron, tamén, mandos da Garda Civil e o Subsector de Tráfico da Garda Civil, a Policía Local e a Policía Autonómica que analizaron o dispositivo previsto para a festa tendo en conta os horarios e lugares nos que se agarda maior afluencia de público.
SEGURIDADE CIDADÁ
A Xunta Local de Seguridade analizou, ademais, a evolución da seguridade cidadá no concello de Cervo e fixo balance dos plans operativos da Secretaría de Estado de Seguridade no municipio. A subdelegada do Goberno felicitouse pola positiva tendencia que reflicten as estatísticas da Garda Civil no municipio. Así, informou de que a taxa de criminalidade do municipio, con un 10,73 por mil habitantes, é moi inferior á media da provincia, de Galicia e de España.
Rodríguez destacou que o ano 2021, con un total de 45 infraccións penais, foi un bo ano en materia de seguridade no municipio de Cervo, pois supuxo un descenso do 25% no número de delitos que se produciron no ano previo á pandemia. En 2019 rexistráranse neste concello un total de 60 delitos. Diminuiron tanto os delitos graves e menos graves, que pasaron de 29 a 21, como os leves que baixaron de 31 a 26.
VIOLENCIA DE XÉNERO
A subdelegada informou, ademais, sobre o grave problema social que supón a violencia de xénero. No caso de Cervo, explicou que a evolución é favorable, xa que nin o ano pasado nin nos sete primeiros meses de 2022 se produciu ningunha denuncia por este tipo de delitos. As últimas rexistradas son do ano 2020 cando se presentaron 4 por violencia de xénero e 2 por quebrantamento de ordes de alonxamento. Aínda así, Isabel Rodríguez advertiu da importancia de non baixar a garda pola gravidade e a magnitude desta lacra que atenta contra a liberdade e a igualdade entre homes e mulleres.
PLANS OPERATIVOS DE SEGURIDADE
Ademais, a subdelegada deu conta das actividades realizadas pola Garda Civil ao abeiro dos Plans operativos da Secretaría de Estado de Seguridade. No referido ao Plan Director para a Convivencia e Mellora da seguridade nos centros educativos, detallou que no curso 2021/2022 impartíronse 10 charlas a escolares e Ampas do concello de Cervo que trataron sobre acoso escolar, ciberacoso, riscos na internet e novas tecnoloxías, ciberseguridade, alcohol e drogas, adición a videoxogos e violencia de xénero.
En cato ao Plan Maior de Seguridade, logo do paréntese aberto pola crise sanitaria, este ano puido celebrarse unha charla que tratou sobre seguridade e prevención de riscos e estafas destinada a maiores de San Cibrao.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
