Alfoz, 31 de agosto, 2022. Nuns días empeza un novo curso escolar. A Área de Igualdade do Concello de Alfoz entregará un ano máis as Axendas Coeducativas a todo o alumnado e persoal docente do CEIP Castro de Ouro e do IES Alfoz-Valadouro. Ademais, os rapaces e rapazas empadronados en Alfoz que estuden BAC, FP ou na Universidade tamén teñen a súa disposición esta axenda que poderán recoller na Casa do Concello desde o 1 de setembro.
As axendas, que con esta edición, cumpren 4 anos, teñen como obxectivo principal fomentar a igualdade a través de distintos contidos: películas, documentais, webs, blogues, canais, artigos interesantes, mulleres destacadas, ciencia, historia, internet,…con acceso fácil a través dos códigos Qr. Pretende ser un material útil no día a día do alumnado desde infantil ata a universidade, adaptándoa ás disitintas idades e, ao mesmo tempo, ser un punto de inicio para aprender cada día, para descubrir novos contidos na rede, para promover o pensamento crítico.
Como novidade temos que destacar que hai unha nova axenda para este curso, deseñada para as mulleres e homes que participan no Programa de Envellecemento Activo “Activamente” de Alfoz. Maiores de 55 anos que en outubro comezarán tamén o curso no que aprenden, ensinan e sobre todo disfrutan de manterse activos e activas.
Programa de Conciliación Familiar Municipal. CEIP Castro de Ouro. Xa está aberto o prazo de inscrición para os servizos de Madrugadores (de 7:45h a 9:30h), Ocio e Estudo (3h desde o remate das clases) e Inglés (martes e xoves 1h/grupo) que deberá entregarse na Oficina de Rexistro do Concello ata venres 2 de setembro ou rexistrala en Sede Electrónica. O Programa de Conciliación de Alfoz é totalmente gratuito para os usuarios/as e funciona desde o primeiro ata o último día lectivo. Así o vindeiro 8 de setembro xa poderán facer uso de el as familias que o precisen.
Desde o Concello pensamos que é fundamental, non só ofrecer un servizo tan necesario, senón que éste sexa completamente accesible para os nenos e nenas de 3 a 12 que estudan no CEIP Castro de Ouro, tanto polo número de prazas coma por non supoñer un coste económico para as familias. Tamén é unha oportunidade de relacionarse pois no caso dos concellos rurais coma o noso, moitos nenos e nenas unha vez saen do colexio teñen máis dificultades para compartir tempo de xogo con outros nenos. Ademais en OES (Ocio e estudio) hai tempos para xogar e merendar pero tamén para facer as tarefas, aprender técnicas de estudo e disfrutar con distintas propostas lúdico-educativas en obradoiros de ciencia, igualdade, lectura, etc.
EDM.– As modalidades de Fútbol Campo e Fútbol Sala teñen aberto o prazo de inscrición ata o 2 de setembro. Deberán entregarse na Oficina de Rexistro do Concello ou en Sede Electrónica. Van dirixidas a nenas e nenos desde Categoría Biberón ( 2018) ata Cadetes (2007/08). Comezarán o luns 5 de setembro en distintos horarios segundo a categoría. As EDM de Alfoz son tamén un servizo gratuito para os usuarios. Pode consultarse toda a información de horarios, así como descargar a ficha de inscrición na web municipal www.concellodealfoz.com (sección actualidade).
Nas vindeiras semanas informarase sobre a modalidade de Patinaxe que comezará no mes de outubro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
