Cervo, 18 de agosto, 2022. A novena edición de o‘Festival Bal y Gay’ viviu este día 17 una das súas actuacións máis especiais coa presenza de Dúo do Valle, referencia europea na música de cámara tras 20 anos de carreira, na Casa da Cultura de San Cibrao en Cervo ante 250 espectadores, que esgotaron as entradas para o evento. O dúo composto polos pianistas Víctor e Luís do Valle entusiasmou cunha intensa viaxe emocional propiciado pola súa extrema sensibilidade e máxima expresividade. Un singular percorrido que visitou obras de Mozart (Andante e Variacións para piano a catro mans KV 501), Schubert (Variacións sobre un tema orixinal en D.813 para piano a catro mans), Bennet (Variacións sobre ‘Liliburlero’ para dous pianos) e Ravel (Ma mère l’oe -versión para dous pianos- e A Valse -versión orixinal do autor para dous pianos-).
Andreas Prittwitz, nome esencial da música popular española nas últimas décadas, mostrará ‘Lookingback’ este día 18 en Leira Goleta de Foz (20:30 horas, entradas esgotadas). Un proxecto que pon de manifesto a súa visión persoal sobre a música barroca, combinando instrumentos antigos con instrumentos modernos, jazz e improvisación. O programa inclúe obras de Attaignant, Sanz, Simpson, Ravenscroft, Frescobaldi, Bach, Veracini, Corbetta e Monteverdi. “El Festival Bal y Gay tiene muchísimo renombre en toda España con grandes artistas y programas muy interesantes. Para nosotros es un gran honor haber sido invitados”, resaltou Prittwitz ao redor deste concerto ao que acudirá en formación de quinteto.
