Ribadeo, 8 de agosto de 2022. Hoxe foi presentada a campaña de captación de socios do Ribadeo FC, que conta coa colaboración e co patrocinio de Acisa. Na cita participaron os presidentes de ambas entidades.
Carmen Cruzado, presidenta da patronal ribadense, dixo que “para Acisa é un orgullo que o Ribadeo FC pensase en nos de novo para promocionar a súa campaña Obxectivo 400, coa que pretende ampliar o seu número de socios. A colaboración e patrocinio de Acisa é moi sinxela, pero á vez moi interesante para os nosos asociados e asociadas, xa que se trata dunha campaña que se basea nun sorteo de 500 euros en vales de compra para consumir nos negocios locais”.
A nova presidenta de Acisa sinalou que “o que fixemos as dúas entidades foi elaborar as bases dun sorteo cun total de 5 premios de 100 euros cada un en vales de compra de Acisa e que se realizará entre o numero de socios que teña o Ribadeo FC o 22 de xaneiro de 2023. O sorteo será o 23 de xaneiro mediante un programa de xeración de números aleatorios entre os carnés de socios que teña o club ribadense o día antes. Terá lugar a porta pechada e será retransmitido en vídeo a través do facebook de Acisa. Posteriormente emitirase un comunicado cos premiados. O único requisito para participar neste sorteo é ser ou facerse socio do Ribadeo FC. Os afortunados terán ata o 31 de xaneiro para recoller os seus premios”.
Cruzado engadiu que “dende Acisa creemos que é importante que entre as diferentes asociacións e colectivos colaboremos para poder medrar e ademais dende a nova directiva pretendemos que todas as colaboracións que se fagan por parte da nosa entidade repercutan dunha forma mais directa nos nosos asociados e asociadas, por iso, a actual directiva quixo manter o compromiso adquirido co Ribadeo F.C. nesta campaña. O Ribadeo pode así aumentar o número de socios e Acisa inxecta 500 euros en vales de compra para gastar nos establecementos asociados”.
Pola súa banda o presidente do Ribadeo FC, Pedro Posada, indicou que “coa campaña Obxectivo 400 e a colaboración de Acisa, o que pretendemos é aumentar a cifra de socios e facer medrar a masa de afeccionados e asociados do noso club. Polo tanto, facerse socio do Ribadeo FC poderá ter premio. Si xa es socio do Ribadeo entras automaticamente no sorteo co teu numero de afiliado, e se non o es xa tes outro motivo para facerte e así entrarás no sorteo co número que se che asigne. As bases do sorteo poderanse encontrar nas oficinas tanto do Ribadeo FC como de Acisa e nas webs de ambas entidades“.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
