A conselleira de Medio Ambiente, Territorio e Vivenda asinou hoxe a aprobación definitiva
Trabada, 5 de agosto de 2022. A Xunta aprobou o Plan Básico Municipal (PBM) do Concello de Trabada, que se converte no primeiro municipio galego en contar con esta ferramenta pensada para que os concellos de menos de 5.000 habitantes e sen planeamento xeral -37 en toda Galicia- poidan desenvolver certa actividade urbanística pero sen establecer criterios de crecemento urbano.
A conselleira de Medio Ambiente, Territorio e Vivenda, Ángeles Vázquez, que participou no acto de sinatura da aprobación definitiva, sinalou que a tramitación dos primeiros Plans Básicos Municipais enmárcase no esforzo realizado pola Xunta nos últimos anos para acadar o obxectivo de que Galicia avance cara a un urbanismo sostible e responsable e na protección da súa paisaxe.
Ademais, Ángeles Vázquez incidiu en que a tramitación dos plans básicos municipais é moito máis áxil que a dos plans xerais de ordenación municipal. O prazo entre a aprobación inicial do PBM de Trabada –marzo 2021- e a definitiva -agosto2022- foi de menos de ano e medio, unha terceira parte do tempo necesario para levar a cabo un PXOM.
Neste caso concreto, este PBM clasifica como solo urbano consolidado os ámbitos de Trabada e Pedrido, e delimita 52 núcleos rurais -41 tradicionais, 1 común e 10 que combinan partes tradicionais e comúns-. Ademais, este plan non só recolle as dotacións existentes no termo municipal, senón que tamén identifica e cataloga os elementos do patrimonio cultural e natural do municipio. A maiores incluíronse aqueles recollidos en catálogos doutras figuras de planeamento, concretamente nun expediente de delimitación de núcleo rural, o da Fórnea.
Ángeles Vázquez insistiu en que se segue a avanzar na tramitación dos outros plans básicos municipais. Deste xeito, o PBM de Riotorto xa obtivo a o informe favorable da Xunta Consultiva en materia de Ordenación do Territorio e Urbanismo, trámite previo á súa aprobación definitiva, prevista para o próximo mes de setembro.
Por outra banda, os concellos de Ribeira de Piquín, Triacastela, Cartelle, Padrenda, Porqueira, San Xoán de Río e O Páramo están pendentes de obter a totalidade dos informes favorables preceptivos para poder sometelo a informe da Xunta Consultiva en materia de Ordenación do Territorio e Urbanismo.
No caso de Alfoz, Guntín, Samos, Beariz, Lobeira, Punxín, San Cristovo de Cea, Viana do Bolo e Dozón estase rematando a redacción dos documentos de borrador e o documento ambiental estratéxico para poder iniciar a avaliación ambiental estratéxica simplificada.
Finalmente, está previsto adxudicar en setembro o contrato de obtención cartográfica para os concellos de Antas de Ulla, Chandrexa de Queixa, San Amaro, Negueira de Muñiz, Pantón e Montederramo.
A conselleira concluíu lembrando que os plans básicos municipais veñen a completar todos os instrumentos normativos e medidas que a Xunta aprobou desde 2009 para acadar un urbanismo sostible e responsable, como as Directrices de ordenación do territorio, o Plan de ordenación do litoral, a Estratexia da paisaxe galega ou o Plan básico autonómico; e as novas leis do solo e de ordenación do territorio.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
