A iniciativa lexislativa polpular está promovida por SOS Sanidade Pública ,Plataforma da que este colectivo forma parte
A Mariña 12 de xullo de 2022. A Plataforma en Defensa da Sanidade Pública da Mariña ven de presentar diante dos medios de comunicación a Iniciativa Lexislativa Popular (ILP) sobre medidas urxentes para recuperar e fortalecer a Atención Primaria diante do Centro de saúde de Burela. Trala presentación fíxose unha primeira recollida de sinaturas a modo de arranque da campaña, a cal tivo unha moi boa acollida por parte de veciñas e veciños, profesionais e diversos cargos públicos que se achegaron a asinar e a unirse á campaña.
Desde o colectivo anunciaron que esta campaña desenvolverase ao longo e ancho da comarca, tendo presenza en todos os concellos e acudindo aos eventos, mercados e actos máis importantes que se desenvolvan na Mariña.
A ILP pretende a implantación de medidas para a recuperar a Atención Primaria como parte esencial do sistema sanitario público galego.
Para poder debater esta inicativa no Parlamento son precisas un mínimo dez mil sinaturas, e segundo adianta Montse Porteiro , portavoz da Plataforma Sanitaria da Mariña “as nosas previsións para a comarca son recoller xa nesta comarca as dez mil sinaturas, cifra que vemos realista a tenor do descontento xeralizado que están a amosar mariñás e mariñaos”.
O texto da iniciativa lexislativa popular incide en medidas tan importantes como mellorar a estrutura e funcionamento dos centros de saúde, urxencias extrahospitalarias e servizo de ambulancias, garantir a presencialidade e calidade na atención,dotar de autonomía de xestión á Atención Primaria, garantir e fomentar a participación cidadá, rematar coas listas de agarda en primaria ou proporcionar unha atención sanitaria en igualdade eliminando a fenda de xénero na atención sanitaria, entre outras.
Desde o colectivo sanitario avanzan que a próxima mesa de recollida de sinaturas colocarase no mercado semanal de Foz o martes 23 de agosto, en horario de 11 a 13 horas.
Animamos a todas as veciñas e veciños a que se acheguen á mesa para apoiar coa súa sinatura unha iniciativa que salve do abismo á Atención Primaria.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
