Ribadeo, 11 de agosto, 2022. Este xoves a Comisión de festas de Ribadeo presentou o programa para as festas de San Roque e Santa María do Campo, así como o cartel desta última. Os festexos inclúen unha oferta de ocio variada para novos e non tan novos. A segunda quincena de Agosto comezará cas festas de San Roque cunha mexillonada para abrir boca o luns 15. O martes 16 comezará coa saída dos Cocos e cabezudos e conta coa recuperación da sesión vermú e unha tarde e noite de música con artistas ribadenses como Río&Daiv ou o dj Litainer, xogos populares e verbena. O mes seguirá cos Dj´s no Camiño o venres 19 de Agosto frente ao Concello de Ribadeo para continuar cun mercado medieval do 25 ao 28 de Agosto no Parque. O broche de Agosto será o clásico Guateque o sábado 27 a partir das 20:30.
A semana da patroa comezará o venres 2 de Setembro co pregón no teatro a cargo de Iván Lindín, ribadense e deportista paralímpico campión de España de tiro en varias categorías. Esa noite haberá un concerto de Baiuca no Cantón para abrir as festas no apartado musical. O sábado actuará La Penúltima Sabinera para os amantes da lenda da música. O domingo haberá unha sesión vermú móbil cos Festicultores pola zona das Catro Calles e o luns 6 será o tradicional Día dos Nenos con programación infantil. Os días grandes de verbena serán o martes 6 co Grupo Beatriz e Tekila. O mércores 7 sairán os cocos e cabezudos e a noite actuarán Alkar e o Combo Dominicano.
Como novidade, a Comisión anunciou que este ano os fogos artificiais volverán ao seu emprazamento histórico; a praza do campo. As 00:00 haberá unha proxección sobre a fachada do Pazo de Ibáñez, unha das grandes sorpresas deste ano, e a continuación comezarán os fogos. O día 8 a verbena contará con Charleston e Disco Móvil Decibelios. Ademais dos nomes que se foron decindo, durante toda a semana das festas haberá actuacións da batucada a Choca, pasarrúas de grupos tradicionais de gaitas como Illa Pancha ou Os Recuncheiros e concertos en diferentes ubicacións así como todos os actos e misas solemnes, procesións e concertos da Banda Municipal de Ribadeo. A Comisión tamén nos falou dalgunha posible sorpresa de última hora. Non quixeron perder a oportunidade de agradecer de novo a axuda e apoio das institucións como a Xunta e o Concello de Ribadeo e de todas as persoas anónimas que están facendo posible a realización das festas. “ Despois de case un ano de traballo comezan a verse os resultados. Desexamos que o programa sexa do agrado do maior número de persoas porque para eles está feito.” Declarou o presidente da Comisión, Martín Graña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
