Acusou ao PP de non ter nin unha soa idea para a provincia. “Están completamente alonxados da realidade desta provincia, das prioridades dos concellos e das demandas da veciñanza. E o que é máis grave, calan ante os recortes médicos, ante o peche dos centros educativos e ante o desmantelamento da nosa industria”
Lugo, 23 de xullo de 2022. O PSdeG na provincia rematou este venres o proceso de renovación dos órganos do partido coa constitución do Comité Provincial, no que o Secretario Xeral, José Tomé Roca, marcou uns “obxectivos realistas e ambiciosos”, de cara ás eleccións municipais do 2023 .
O líder socialista incidiu na súa intervención diante dos militantes que estes obxectivos, “pasan por acadar representación municipal en tódolos concellos da provincia, manter e reforzar as alcaldías actuais, sumar outras novas, manter e mellorar os resultados onde o partido non goberna e asegurar a continuidade dun Goberno de esquerdas e presidido por socialistas na Deputación de Lugo”.
Para iso, explicou, está desenvolvendo un traballo estratéxico, planificado, coordinado, en equipo, en todos os concellos e partidos xudiciais, sobre o terreo, nas agrupacións, nos concellos, co tecido asociativo, para informar e para ser informados, ata chegar a maio de 2023 nas mellores condición e acadar os mellores resultados.
Vaga de incendios e responsabilidades
Tomé Roca comezou o seu discurso enviando unha mensaxe de recordo e apoio aos afectados polos lumes na provincia e para tódolos efectivos que traballan para apagalos. “A prioridade nestes intres é salvar vidas e apagar os incendios. Dende a Deputación de Lugo seguimos colaborando co dispositivo de loita contra os lumes cos recursos dos que dispoñemos. Todos desexamos que remate pronto este pesadelo, e nese momento, será o de pedir toda a información sobre como se actuou e esixir responsabilidades. É evidente que existen deficiencias tanto na prevención como na planificacion dos incendios. Por iso dende o PSdeG creemos que é necesario un acordo de pais que reformule o modelo de loita contra os lumes e implantar un servizo único, profesionalizado e plenamente equipado. Galicia necesita un modelo no que se faga prevención todo o ano”, insistiu.
Medidas para transformar a economía e protexer a maioría social
O Secretario Xeral puxo en valor as medidas do Goberno de Pedro Sánchez, para transformar a economía e protexer a maioría social, nuns tempos realmente difíciles, primeiro pola pandemia e agora pola guerra de Putin. “Nada nos pode ser indiferente aos socialistas, estamos obrigados a tomar decisións, valentes e ambiciosas. Sabemos ben quen somos e que queremos, por iso coma sempre, as nosas prioridades son os traballadores e as clases sociais mais desfavorecidas”.
Nestes intres, o Goberno de Pedro Sánchez está gobernando para superar esta situación, e ao mesmo tempo para transformar a economía e protexer a maioría social do país. “E faino a través de medidas como as bonificacións de combustibles ou a rebaixa do IVE no consumo eléctrico, ou a recuperación do poder adquisitivo das pensións, coa suba dun 15% para as non contributivas, e a subida do Ingreso Mínimo Vital. E tamén coas axudas aos autónomos, parados, gandeiros, agricultores así como para os sectores da pesca ou o transporte”.
Ademais diso, “aprobamos un novo imposto para as entidades bancarias e as grandes empresas enerxéticas. Becas complementarias, medidas para a limitación nos alugueres. E promovemos a reforma laboral a pesar da crise económica e enerxética para a creación e o mantemento do emprego, con iniciativas como a suba histórica no Salario Mínimo Interprofesional que pasou do 775 euros co PP, aos 1.000 euros actuais”.
O Secretario Xeral na provincia aludiu ao traballo que se está impulsando dende a Deputación de Lugo para responder ás necesidades da provincia. “Unha política de feitos e realidades afastadas dos xestos populistas do PP. Por unha banda, recuperamos a normalidade institucional, e estamos traballando cun bo ritmo de traballo elevadp e constante”.
As políticas sociais, unha prioridade na Deputación
Remarcou que as políticas sociais son as prioritarias na súa folla de ruta “ás que lles adicamos máis dun tercio do orzamento. Outra clave segue sendo a cooperación cos concellos para que poidan ofrecer máis e mellores servizos, así como o apoio incondicional aos sectores produtivos da nosa provincia. E sen esquecer mellorar as nosas vías de comunicación, que son un factor esencial para mellorar a vida da xente, fixar poboación e dinamizar a economía e o emprego e facer competitivo ao territorio”.
Tomé Roca acusou ao PP de non ter nin unha soa idea para a provincia. “Están completamente alonxados da realidade desta provincia, das prioridades dos concellos e das demandas da veciñanza. E o que é máis grave, calan ante os recortes médicos, ante o peche dos centros educativos e ante o desmantelamento da nosa industria”, replicou.
“Aquí sufrimos a inacción do PP e comprobamos diariamente como se castiga a esta provincia, xa que son os campións das promesas incumpridas”. E lembrou o anuncio da empresa ALTRI, “neste asunto xogaron cos sentimentos da xente anunciando que iría para a Mariña, para logo anunciar a súa instalación noutro punto da provincia. Unha auténtica traizón”, afirmou Tomé.
Dende a secretaria provincial seguimos desenvolvendo un plan de traballo “planificado e coordinado”, coa vista posta nas vindeiras eleccións e coa participación de tódolos cargos públicos, institucionais e orgánicos do Partido. E proseguiu “estamos impulsando unha axenda política e orgánica para ter presenza en todo o territorio e atender ás demandas dos nosos concellos, as nosas agrupacións e por suposto de toda a veciñanza”. “Nestes últimos meses participamos en preto de 200 actos con presenza en múltiples acontecementos de carácter público, e vamos a seguir nesa senda”, puntualizou.
Representantes comarcais
No que atinxe ás cuestións orgánicas xa están elixidos os novos representantes comarcais. Marta Rey é a nova coordinadora na Mariña; Miguel Ángel Crende en Lugo; Rafael García no Suroeste; Iván Castro na comarca de Sarria; José Luís Losada en Monforte de Lemos; na Comarca da Terra Chá, Constantino García e na Montaña con José Ángel Fernández Carrin. Con estes nomeamentos, o PSdeG afronta unha nova etapa na que seguiremos traballando e defendendo os nosos concellos, tanto no Goberno como na oposición.
Hoxe en Ferraz
O secretario Xeral do PSdeG na provincia, José Tomé Roca, xunto a Secretaria de Organización, Pilar García Porto, participan hoxe en Ferraz no Comité Federal do PSOE, no que se vai aprobar o calendario das primarias, así como a renovación nas portavocias do partido que xa foron anunciadas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
