Despois de estar en datas pasadas por Foz, Valadouro e Mondoñedo; Raquel Amieiro e Pepe Peinó visitan agora A Pontenova, convidados pola asociación de Mulleres Rurais deste concello, para presentar o seu libro “Un año contigo”, que narra as experiencias de Raquel co cancro durante o ano 2019, as operacións e tratamentos aos que se tivo que someter e as vivencias emocionais que a enfermidade supuxo. A presentación será o vindeiro venres, 15 de xullo, ás 21,00 horas, no Salón de Actos da Casa da Cultura da Pontenova, contando coa intervención dos autores e do profesor Bernardo Penabade, así como da actuación do grupo de música tradicional “A Chocolateira”.
