O goberno local foi informado pola Xunta de Galicia e a Fegamp e, polo tanto, “non se entende que perda estes fondos tan importantes para o hospital asilo”
Ribadeo, 5 de xullo de 2022. “O goberno do BNG perde entre 500.000 e 1,2 millóns de euros ao non solicitar unha subvención da Xunta de Galicia para reformar o hospital asilo”, segundo lamenta o voceiro do Grupo Municipal Popular, Daniel Vega.
“É unha falta de respecto” que ao preguntar ao goberno local se solicitou esta subvención, “non se nos contestou. Preguntámoslle tamén á Xunta e quedámonos sorprendidos cando nos dixo que o goberno local non solicitou ningunha axuda”, explica Vega.
O popular explica que “o goberno local do BNG foi informado pola Xunta de Galicia e a Fegamp -presidida por un alcalde do PSOE-” das axudas da Xunta dirixidas á construción, reforma ou ampliación de equipamentos sociais públicos municipais.
O voceiro sinala que “o Grupo Municipal Popular leva dicindo dende o inicio do mandato que hai que concretar un orzamento para o hospital asilo, que hai que presentar un proxecto… Pero o goberno do BNG o que fai é enviar cartas e esixir nos medios de comunicación; cando o importante é xestionar orzamento e aproveitar as subvencións de forma que eses fondos veñan para Ribadeo”.
Para Vega non se entende que “o goberno local perda estes fondos e que Ribadeo non teña a posibilidade de contar cun orzamento tan importante para investilo no hospital asilo”.
Tendo en conta que “o goberno local do BNG di que nunca ten a culpa de nada”, o popular pregúntase “a quen van responsabilizar agora? Á Xunta, a Daniel Vega, ao Partido Popular?”. Nese sentido, condena que “o BNG responsabilice aos demais da mala xestión, da falta de traballo e da falta de coordinación dun goberno que toca ao seu fin”.
“Este goberno do BNG prefire vellas polémicas e entrar en debates absurdos e insultar continuamente á Xunta, incluso a través de carta; e ao Grupo Municipal Popular cando defende calquera proposta nos plenos. Pero, iso si, despois ir a rebufo e levar a cabo esa mesma proposta”, expón Vega.
Traballo e orzamento
O voceiro sinala que “o Grupo Municipal Popular o que vai facer é traballar: xestionar orzamento para que Ribadeo non perda eses cartos. Ribadeo necesita orzamento para engadir á herdanza do doutor Moreda e facer posible a reforma do hospital asilo. Nós non imos entrar en vellas polémicas; senón traballar, xestionar e concretar orzamento para garantir a reforma do hospital asilo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
