Ribadeo, 18 de xullo de 2022. O Concello ven de presentar a súa nova aplicación de turismo denominada RibadeoXQSi, coa que o usuario poderá gozar da máxica tranquilidade e beleza do municipio, da súa cultura, da gastronomía, de paisaxes inesquecibles e praias-museo salpicadas de esculturas creadas por séculos de erosión, convérteno nun lugar inesquecible.
O concelleiro de Turismo, Pablo Vizoso, dixo que “esta app turística, é unha ferramenta ao servizo do viaxeiro a través da que pode dispoñer de toda a información turística de interese sobre o concello, un territorio excepcional que grazas á riqueza e diversidade do seu patrimonio e á súa gran oferta de servizos, lle permitirá deseñar e promover unha gran cantidade de propostas que fan de Ribadeo un lugar onde gozar da natureza e desconectar da rutina diaria”.
O edil ribadense indicou que “a través desta nova ferramenta o usuario poderá coñecer os principais recursos turísticos do municipio encadrados en seis rutas que combinan o patrimonio e cultura, como a ruta do Ribadeo Indiano ou a do Ribadeo ilustrado, coa natureza a través de paisaxes inesquecibles como o Camiño Natural – Ruta do Cantábrico ou as XeoRutas. Trátase de preto dun cento de recursos xeoreferenciados para facilitar a súa visita, dos que se ofrece unha completa información acompañada dunha audioguía para mellorar a experiencia”.
Vizoso Galdo contou que “tamén se ofrecen diversas propostas vinculadas ao turismo natural que permiten coñecer a sobresaliente e excepcional riqueza xeolóxica e paisaxística da nosa costa e da nosa ría. A través da Guía de Ocio incluída na app, os usuarios poderán coñecer o máis de medio centenar de empresas de turismo activo e de natureza que operan en Ribadeo e que permiten gozar desta incrible contorna”.
O concelleiro de Turismo explicou que “e se Ribadeo destaca pola calidade dos seus establecementos turísticos e sobre todo dos seus restaurantes e locais de tapeo, non podía faltar unha completa guía de servizos que agrupa a máis dun cento de establecementos turísticos de aloxamento e restauración, que permiten gozar da calidade e bo facer da infraestrutura de servizos existentes no noso concello, e que poñen en valor o papel de Ribadeo como destino gastronómico de primeiro nivel”.
Pablo Vizoso engadiu que “a nova app RibadeoXQSi atópase dispoñible para sistemas Android e IOS e é accesible en dous idiomas, galego e castelán, contribuíndo a completar a oferta existente e centrada na natureza coa app denominada RibadeoXNatural e que ofrece dez percorridos guiados polos principais recursos naturais e paisaxísticos do concello de Ribadeo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
