A Xunta de Goberno da institución provincial licitou obras de acondicionamento en estradas que discorren polos municipios de Barreiros, Vilalba, Guitiriz, Trabada, O Saviñao, Lugo, Guntín e Portomarín
Lugo, 1 de xullo de 2022. A Xunta de Goberno da Deputación de Lugo aprobou este venres un novo investimento de 1,3M€ para seguir mellorando a rede viaria provincial. En concreto, deu luz verde aos proxectos e á licitación das obras para o acondicionamento de 12 vías que discorren por 8 concellos da provincia: Barreiros, Vilalba, Guitiriz, Trabada, O Saviñao, Lugo, Guntín e Portomarín. A voceira socialista do Goberno, Pilar García Porto, subliñou que estas actuacións demostran o bo ritmo de xestión e o esforzo “que facemos para seguir mellorando a rede de estradas, á que dedicamos practicamente o 20% do orzamento total da entidade”.
“En Barreiros aprobamos a rehabilitación do firme de tres vías provinciais por preto de 150.000€ e un prazo de execución de dous meses”, explicou a Deputada. Trátase das vías LU-P-0605, que comunica Benquerencia con Suigrexa, onde se renovará o firme dende o comezo ata o punto quilométrico 1,2; LU-P-0606, de Benquerencia a Pedregas, cunha actuación do quilómetro 0,473 ao 0,707; e LU-P-0607, de Benquerencia á Praia da Fontela, na que se farán melloras nos dous primeiros quilómetros.
García Porto recordou que “a pasada semana, xunto ao Presidente, supervisamos outra das actuacións que esta institución levou a cabo no concello de Barreiros en materia viaria. Neste caso, a estrada de San Cosme ao Cruce da Insua, a antiga LU-P-0608, unha vía que é agora de titularidade municipal, que foi acondicionada recentemente grazas a unha achega da Deputación de 35.000€”.
Tamén na Mariña, licitouse no concello de Trabada a rehabilitación do firme da LU-P-6101 nun treito de catro quilómetros, entre os puntos quilométrico 3,554 e 7,556. Esta actuación, que se levará a cabo na vía que conecta Trabadela coa Ría por Sante, conta cun orzamento de 177.853€ e un prazo de execución de 2 meses.
Así mesmo, a Xunta de Goberno licitou para a comarca da Terra Chá dous contratos para a mellora de dúas estradas en Vilalba por un importe de medio millón de euros. “Na LU-P-6501, que une Vilalba con Feira do Monte, investiremos 254.000€ para acondicionar cerca de 4 quilómetros, dende o seu inicio ata o punto quilométrico 3,835. Pola súa banda, na LU-P-6502, de Vilalba a Chavín pola Balsa, dedicamos uns 200.000€ para traballos entre o quilómetro 2,1 e o 4,6”, explicou Pilar García Porto.
Tamén se actuará en Guitiriz cun orzamento de 110.300€ para a mellora do firme e da senda peonil da LU-P-2304. A voceira socialista sinalou que “se trata dunha vía que une o núcleo de Guitiriz con Sete Muíños, un espazo de lecer na natureza ao que se achega a veciñanza e os visitantes”, aclarou.
Ribeira Sacra e Lugo
No concello do Saviñao a Xunta de Goberno aprobou a licitación para rehabilitar o firme de preto de 5 quilómetros, entre o punto quilométrico 17,2 e o 21,9, da estrada provincial LU-P-4202, que comunica Pacios con Currelos por Aldosende. García Porto explicou que “para esta actuación contamos cun orzamento de preto de 100.000€ e un prazo de execución de dous meses. Xa neste mandato levamos a cabo o acondicionamento doutros tres quilómetros desta estrada, do punto quilométrico 22,150 ó 25,410, cun investimento de 119.000€”.
En Portomarín, a Deputación acometerá dúas actuacións, entre os puntos quilométricos 1 e 4 da LU-P-4902, que vai do Alto do Valiño a Valdeporras por Vilaxuste, e dos puntos quilométricos 2 a 3,235 da LU-P-4909, que conecta Toxibo coas Neves, explicou a voceira socialista. Estas melloras contan cun orzamento de preto de 260.000€ e un prazo de execución de 3 meses.
García Porto sinalou que “estas dúas actuacións son obras moi importantes para Portomarín e para toda a zona porque supoñen a mellora do enlace coa N-540 cara Ourense”.
A Xunta de Goberno aprobou, tamén, a licitación para a mellora das comunicacións entre os concellos de Lugo e Guntín coa rehabilitación do firme entre os puntos quilométricos 1,35 e 5,8 da LU-P-2406 e os primeiros 300 metros da estrada na LU-P-2402.
En materia de estradas, a voceira socialista do Goberno avanzou que a Deputación sacará de novo a contratación á maior brevidade posible a obra de rehabilitación do firme de dous quilómetros da LU-P-3601, no concello de Negueira de Muñiz, tras quedar deserto o proceso por non presentarse ningunha oferta.
Centros de Atención a Persoas Maiores
“Na Xunta de Goberno de hoxe aprobamos a adxudicación dos contratos para a prestación de servizos básicos nos Centros de Atención a Persoas Maiores de Trabada, Ribadeo, Pol e A Fonsagrada por un importe conxunto que se aproxima aos 3M€ e por un período dun ano, coa opción de tres prórrogas anuais máis”, anunciou García Porto.
Na residencia de Trabada o contrato foi adxudicado a Troncoso Casares, S.L. por 683.075,02€ e, na de Ribadeo e Pol, a CK Senior Gestión, S.L., por 820.000€ e 725.000€, respectivamente. Por último, na Fonsagrada, a adxudicación foi a Rodas Vivenda Comunitaria, S.L., por 640.000€.
Parque Móbil
Por outra banda, quedou aprobada a contratación do subministro de aglomerado para o Parque Móbil da Deputación cun orzamento de máis de 680.000€ e un período de 6 meses, con opción a prórroga de ata un ano. “Trátase dun contrato que permitirá seguir acometendo obras de mantemento e mellora das estradas provinciais, pero tamén das municipais, pois a Deputación ten o Parque Móbil a disposición dos concellos, como unha ferramenta de cooperación para que poidan prestar máis e mellores servizos aos seus veciños e veciñas”, explicou a Deputada.
A Deputación cos concellos
Outro dos asuntos que saíu adiante foi a solicitude do Concello da Pontenova para destinar remanentes do Plan Único 2021 para actuacións complementarias á mellora da rede viaria de Vilar, en concreto, 5.057€.
Así mesmo, aprobouse un convenio de colaboración a través do que a Deputación de Lugo achega 108.000€ ao Concello da Pastoriza para a instalación de alumeado público na zona do Carrizal e a mellora nos accesos ao núcleo de Fontao e nas conexións de Bretoña coa estrada autonómica LU-125, e do Biduido coa LU-122.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
