Foz, 1 de xullo de 2022. O Concello de Foz puxo en marcha hoxe, venres, o servizo de salvamento nas praias e izou a bandeira azul no areal da Rapadoira, acto no que participaron os concelleiros Chema Linares e Javier Fraga.
O edil de Turismo, Chema Linares, explica que “son 5 praias as que contan con este servizo de salvamento: Rapadoira, Llas, Peizás, Polas e Areoura. 10 socorristas cun coordinador máis 6 auxiliares de apoio e dous técnicos sanitarios vixiarán pola seguridade e a saúde nas praias de Foz. Lamentamos non poden contar con máis persoal para este servizo pese aos esforzos realizados dende o Concello: ademais da drástica redución no financiamento de socorristas por parte da Xunta de Galicia, pasando dos 30 de antes a 6 agora, cada ano é máis difícil encontrar persoal adecuado para esta tarefa, froito dunha política errática da Xunta de Galicia, que non acaba de entender a problemática neste senso nin dar as solucións axeitadas porque os cursos para obter as capacidades necesarias para desenvolver estas tarefas son moi longos e custosos”.
Chema Linares comentou tamén que “ademais hoxe levantamos a bandeira azul na praia da Rapadoira, cumprindo un ano máis co compromiso deste goberno pese as dificultades sinaladas. Isto é froito dun traballo continuo ao longo do todo o ano por seguir os criterios de Adeac e ter as praias sempre en perfecto estado. Aparte da reparación dos danos que cada ano sofren as praias nas pasarelas, paseos, duchas, etcétera e da limpeza e desbroce dos accesos, tamén se traballou na accesibilidade e estase a renovar o material dos postos de socorro: mercáronse padiolas novas, biombos, armarios, quentadores de auga, material necesario para o traballo dos socorristas como prismáticos, megafonía, chifres, walkie talkies e de salvamento e sanitario diverso, nun esforzo en mellorar uns equipamentos moi deteriorados nestes anos. Estase ademais a mellorar os postos de socorro mediante una limpeza e arranxo dos mesmos, algo que en moitos anos non se fixera”.
Chema Linares remata felicitando “ao todo o persoal que vai traballar nas praias este verán, ao que desexamos que non teñan ningunha incidencia ao longo destes meses”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
