Viveiro, 13 de xullo de 2022. Celeiro acolleu onte a tradicional misa en recordo de todos os falecidos no mar, organizada pola Comisión Pro-monumento ao Náufrago coa colaboración do Concello de Viveiro.
Como cada ano, o 12 de xullo celebrouse en Celeiro esta misa anual por todos os falecidos no mar, lembrando a data na que se produciu a galerna que en 1961 provocou o afundimento de catro embarcacións, tres do porto de Celeiro (o Badiola, o Todos los Santos e o Mari Loly Grela), e unha do porto de Espasante (o Santa Lucía), causando un total de trinta vítimas mortais, das que 29 desapareceron no Cantábrico.
Este ano a misa puido celebrarse novamente na Praza do Náufrago, despois de que nos dous últimos anos, como consecuencia da pandemia, se oficiase dentro da Igrexa de Celeiro. A praza en memoria das xentes do mar inaugurouse en 1995 e, dende ese ano, a Comisión Pro-monumento ao Náufrago encárgase da organización desta emotiva misa.
Nesta ocasión, a celebración eucarística estivo presidida polo párroco de Celeiro, Juan Novo Gabeiras, e armonizada polo grupo Sons de Celeiro. Entre as autoridades civís e militares que acudiron á Misa do Náufrago, estiveron presentes a alcaldesa do Concello de Viveiro, María Loureiro García, membros do equipo de goberno e algúns concelleiros dos grupos da corporación.
Ademais de colaborar coa comisión para a organización da Misa do Náugrago, o Concello de Viveiro encárgase durante todo o ano do acondicionamento e adecentamento desta praza.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
