Foz, 29 de xullo, 2022. A inauguración será o próximo martes 2 de Agosto ás 19,30 horas na sala de exposicións do CENIMA e poderase visitar ata o 30 de Agosto
Ángel Picos (Cedeira – A coruña)
Apaixonado da pintura artística, dende moi novo xa amosou predilección polo debuxo, realizando as súas primeiras obras de xeito autodidacta. Na idade adulta coñeceu á persoa que se convertiría no seu mentor, José Antonio Porro, quen soubo ver o artista latente que se agachaba no seu interior.
Leva máis de nove anos como pintor artístico. Especializado no estilo impresionista, sempre busca plasmar e transmitir as súas emocións en todas e cada unha das súas obras.
“Os seus traballos misturan normalmente imáxenes relacionadas coa nosa terra, ambiente, tradicions, paisaxes…ese ambiente e tradicions reflictense tamen nas suas figuras, as cales tenden a evocar esa morriña propia do sentimento galego. O autor quere transmitir dinamismo, movemiento e sutileza as suas pinceladas con un trazo moi marcado, froito do seu propio carácter”.
Diego Pérez Dopico “J. Peak” (Viveiro – Lugo)
Compaxinou os estudos de Maestría Industrial en Viveiro e de Maxisterio na Coruña con diferentes traballos. Continuará os seus estudos en Xixón e realizará distintos traballos en países europeos para regresar a Ortigueira no 2010 onde reside e onde transcorrerá parte da súa infancia. Na actualidade é Técnico de Cultura e Secretario da Escola de Música.
Entre o 2011 e o 2016 estuda Ciencias Relixiosas na Universídade de San Dámaso, anteriormente San Agustín, en Madrid através da UNED.
Entusiasta das artes e da cultura funda a Asociación Cultural Galioart, da que é presidente. As súas obras expoñénse por toda Galicia, ademais, é fotógrafo, escritor e promotor do Festival Celta, Letras Galegas e de infinidade de eventos culturais.
“Non descarta ningunha temática, e atrévese co retrato e a figura, coa paisaxe ou a denuncia social, coa abstracción… Algún dos seus cadros son máis complexos do que a primeira vista pode parecer, e conteñen elementos que contan historias difíciles de descubrir se un non ten a sorte de que o propio artista llas explique.”
Serge Sozonov (República Saja)
Traballou durante anos en Moscú nunha empresa de publicidade. Por aquel entón viaxaba a miúdo por Europa, tal vez na busca do lugar soñado para vivir. “Por fin encontreí dous sitios que me gustaron moíto, Noruega e Ortigueíra, e decidín quedarme aquí”, conta este veciño de O Baleo.
En Galicia atopou un lugar para recuperar a infancia e a inocencia e, especialmente, un lugar onde dedicarse ao que realmente lle enche: a pintura.
“O nu, como é sabido, tivo sempre un lugar preeminente na aprendizaxe da pintura, porque o dominio da súa técnica implica ter coñecemento de todos e cada un dos elementos que se lle esixen a unha obra artística, como forma, proporción, liña, perspectiva, espazo, textura, luz, e, no seu caso, cor. Conseguido maravillosamente ben por Serge Sozonov.”
Otero Regal (Viveiro – Lugo)
Dende a década de finais dos 60 ven de formarse primeiro nas técnicas de debuxo e pintura e máis tarde na cerámica, profesión na que leva exercendo nos derradeiros trinta anos.
A cerámica e o mundo de Regal, a pesares de que toca outros anacos da arte como o gravado, a literatura, a ilustración e o debuxo, a súa labor desenvólvese en dous ámbitos; por unha banda produce unha cerámica de mercado caracterizada polo seu eido diferencial, e por outra, e de forma paralela, unha produción artística con características que van dende o expresionismo até a arte conceptual.
Dende o ano 68, no que fai a súa primeira exposición en Mondoñedo son varios centos as que leva realizado até o momento, tanto individuais como colectivas.
Obradoiro propio de cerámica en Xunqueira, Viveiro-Lugo. Estudio de Cerámica artística, muralismo e traballos arquitectónicos. Imparte cursos de Raku, serigrafía cerámica e pastas cerámicas en varias localidades de España.
Realiza murais cerámicos para numerosos estamentos públicos e privados.
Posee obra en Museos e Fundacións e coleccións privadas de España, Europa, EEUU e Xapón.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
