Non podemos aceptar que cando máis caros están os combustibles e cando máis necesitan os cidadáns facer uso do transporte público, o Goberno de España pretenda desmantelalo”
Lugo, 7 de xullo de 2022.- O novo voceiro de Infraestruturas do Grupo Parlamentario Popular, o deputado lucense, José Manuel Balseiro, defenderá unha iniciativa no Pleno do Parlamento de Galicia da vindeira semana, na que rexeita o deseño do novo mapa estatal de buses elaborado polo Ministerio de Transportes.
Balseiro pide que o Goberno central rectifique e non deixe sen parada a 23 concellos galegos -entre eles dez da provincia de Lugo- e a elaboración dun novo mapa estatal de autobuses que sexa máis sensible coas necesidades de Galicia, de xeito especial, no ámbito rural.
“Non podemos aceptar que cando máis caros están os combustibles e cando máis necesitan os cidadáns facer uso do transporte público, o Goberno de España pretenda desmantelalo”-explicou.
Os populares piden ao Ministerio que cambie os criterios empregados no deseño das liñas de bus de competencia estatal, aplicando outros como o da dispersión territorial e poboacional, promovendo a prestación de servizos de transporte interautonómicos de calidade, que garantan, cando menos, a continuidade dos tráficos e as paradas nos 23 concellos que, conforme ao plan actual, quedarían sen servizo.
A provincia de Lugo, a principal prexudicada
O proxecto do Ministerio prevé suprimir paradas en dez concellos da provincia de Lugo: Chantada, Guitiriz, Monterroso, O Corgo, Palas de Rei, Quiroga, Baralla, A Pontenova, Meira e As Nogais. Tamén noutros municipios galegos como os de Lalín, O Porriño, Tui, Silleda, Melide, Allariz, Arzúa, Ribadavia, A Rúa, Forcarei, Riós, Trasmirás e A Mezquita.
Eco da revolta municipal
Balseiro busca así un acordo unánime da Cámara galega a imaxe e semellanza da fronte común que teñen adoptado os alcaldes da maioría dos concellos afectados por este recorte. Días atrás, os rexedores sumaban forzas coa Xunta para pedir ao Ministerio de Transportes a retirada do plan, cuxa aplicación está prevista para 2024
“Isto vai máis aló de ideoloxías ou partidos. Todos estamos chamados a defender a mobilidade en Galicia e impedir que a nosa comunidade quede desconectada con resto das autonomías de España, porque desde Moncloa priman outros criterios -económicos sobre todo- fronte ao que debe ser un servizo público. Ademais o Goberno de España non recuperou aínda os servizos de tren e autobús anulados coa pandemia. É un suma e segue. Temos que se claros no rexeitamento deste plan”-indicou o deputado
A Xunta si aposta polo rural
O deputado popular sinala, finalmente, que o Ministerio ten que tomar exemplo do feito pola Xunta, que foi quen de renovar, non sen esforzo, todas as concesións de transporte por bus da súa competencia (o interurbano, metropolitano e interprovincial), ofrecendo máis rutas, máis paradas e máis transbordos, que no plan anterior. E incorporou novos servizos como o transporte escolar compartido e as paradas baixo demanda”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
