Lugo, 4 de xullo de 2022. A deputada de Medio Rural da Deputación de Lugo Mónica Freire e o tenente alcalde de Foz Xavier Fanego anunciaron o inicio inminente dos traballos para habilitar zonas de aparcadoiro na contorna do colexio de Nois e a carón do cemiterio parroquial, no Pico do Castro.
A responsábel provincial explicou que “tras completarmos o procedemento administrativo, nos vindeiros días comezarán xa as obras nas que vimos traballando conxuntamente desde a área de Medio Rural da Deputación e do Concello co obxectivo de dar unha resposta o máis áxil e eficaz posible ás demandas da veciñanza. Cremos que a colaboración entre administracións é fundamental para que os proxectos saian adiante e se poñan en marcha servizos e espazos que melloren a calidade de vida das persoas”.
O tenente alcalde Xavier Fanego agradeceu “a disposición da área de Medio Rural da Deputación e o traballo do persoal do Concello para axilizar a tramitación e executar unha obras moi demandanda pola veciñanza,especialmente as do aparcadoiro a carón do colexio Fondo Nois”.
Nesa liña, lembrou que “a asociación de nais e pais do centro trasladounos a necesidade de contar cunha zona de aparcamento próxima, para dar maior fluídez e seguridade á zona no momento da entrada e saída do colexio. Dado que o prazo de execución das obras é dun mes, no inicio do curso disporán xa dese espazo, que durante o verán será tamén moi operativa para as persoas que se acheguen a praia das Polas”.
Medio Rural investirá un total de 37.000 euros no acondicionamento dos dous aparcadoiros, que realizará Tragsa e que inclúen traballos de limpeza, nivelado e afirmado, así como o marcado das prazas e a sinalización.
O aparcadoiro de Nois, nunha parcela rústica contigua ao CEIP Fondo Nois, acondicionarase con firme de areón compacto e contará cunhas corenta prazas. A parcela situada a carón do cemiterio parroquial de Foz, que xa se ven empregando como aparcadoiro e, provisionalmente, para acopio de materiais de construción, aglomerarase para subsanar o deterioro que acumula. O proxecto comtempla tamén a creación de corenta prazas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
