Mondoñedo, 23 de xullo de 2022. O conselleiro de Cultura, Educación, FP e Universidades, Román Rodríguez, acompañado polo delegado territorial da Xunta en Lugo, Javier Arias, visitaron a capela da Venerable Orde Terceira do antigo convento de Alcántara, en Mondoñedo, na que a Xunta vai a acometer distintos traballos de restauración.
O titular de Cultura da Xunta anunciou que as obras se atopan en fase de licitación por 213.400 euros coa intención “de recuperar e impulsar a conservación dun ben de especial singularidade histórica e un dos recursos culturais do Camiño do Norte que é preciso poñer en valor”. De feito, como explica, trataranse de recuperar na medida do posible a estancia orixinal dominada polo retablo, así como volver a comunicar a capela coa igrexa de San Pedro para restablecer a circulación inicial. Agora está obstaculizada pola presenza dun moble expositor que se vai desprazar para despexar o paso “e adecuar o conxunto para o uso de culto e para as visitas públicas”, engadiu.
Este proxecto enmárcase, expresou, no compromiso do Goberno autonómico co patrimonio desta vila lucense, onde o seu departamento actúa tamén noutro dos seus bens, a Catedral, cun investimento de 6,5M€ ao abeiro do Plan Catedrais que a Xunta ten en marcha nos grandes templos catedralicios para que afronten a década xacobea nas mellores condicións.
Preservación dos elementos máis valiosos
No caso da capela do antigo convento de Alcántara, as actuacións consistirán en corrixir patoloxías e mellorar o estado de conservación. Corrixiranse non só deficiencias relacionadas con problemas de conservación estrutural, senón tamén estético, e as humidades causadas pola falta de ventilación. Os traballos crearán un ambiente axeitado para a preservación dos elementos máis valiosos da capela, principalmente controlando o grao de humidade e mellorando a ventilación. Tamén se eliminarán os revestimentos de cemento e, en canto ao cumio, substituirase o actual por un de lousa colocado de forma cruzada tradicional.
No interior, destacan a recuperación do presbiterio de pedra primitivo -retirarase a estrutura lixeira provisional existente– e a restauración do friso de pintura policromada orixinal do século XVIII nos muros norte, sur e este. Así mesmo, nas paredes sobre o friso e nas bóvedas eliminarase a pintura de cal branca aplicada recentemente para tratar de recuperar no posible a capa orixinal do século XVIII, de cor branco roto.
Actuacións no coro
En canto ás estruturas de madeira, substituirase a escaleira de caracol que dá acceso ao coro por outra idéntica de castiñeiro. Se resulta viable tecnicamente conservarase a caixa da escaleira de táboa ancha que ten restos de policromía. Comprobarase ademais o estado das vigas do coro para valorar se poden recuperarse e, do contrario, mudaranse por outras de castiñeiro. Tamén se cambiarán os pontóns e entaboado por elementos novos e reforzarase a varanda.
Outras actuacións previstas son a restauración do portalón de entrada e as portas interiores, así como a adaptación das fiestras de madeira para que funcionen como abatibles accionadas por un sistema eléctrico con mando a distancia. Tamén se fará unha nova instalación eléctrica e mellorarase a ventilación.
Do século XVIII
A capela da Venerable Orde Terceira de Mondoñedo forma parte do complexo monumental de Alcántara, antigo convento de San Pedro de Alcántara, do que se conservan a igrexa de San Pedro, a antiga sancristía da capela e restos do claustro. Foi construída no ano 1731, conta cun valioso retablo maior de estilo barroco e conserva elementos do conxunto barroco orixinal, nos que pon o foco o proxecto de restauración.
A igrexa de San Pedro foi rehabilitada e acolle o Centro Cultural de Alcántara sobre escritores e músicos mindonienses e o Centro de Interpretación do Camiño Norte. A vella sancristía foi reformada como albergue público e a capela é o lugar no que se gardan os pasos da Semana Santa e acolle oficios relixiosos ocasionalmente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
