A instalación estaba asociada a un muíño fariñeiro agora en desuso e a súa eliminación axudará a recuperar o hábitat fluvial nesa zona e a eliminar riscos de inundación
Ourol, 14 de maio de 2022. A Xunta, a través de Augas de Galicia, licitou hoxe por 51.000 euros as obras de demolición dun azud no río das Balsadas, a 320 metros augas arriba da súa desembocadura no Landro en Miñotos (Ourol). As empresas interesadas na execución destes traballos teñen ata o vindeiro 17 de agosto para presentar as súas ofertas.
O delegado territorial de Lugo, Javier Arias, visitou a zona de actuación, onde explicou que a intervención consistirá en retirar unha represa que inicialmente estaba asociada a un muíño fariñeiro agora en desuso e que xa non cumpre a función para a que foi concibida.
Arias apuntou que o obxectivo é eliminar o obstáculo que supón o azud para o remonte dos peixes río arriba, o que axudará á recuperación do hábitat fluvial e á restauración hidromorfolóxica neste tramo, ademais de eliminar riscos de inundación.
Remarcou que a recuperación da dinámica natural dos peixes contribuirá á potencial repoboación de colonias de mexilón de río -Margaritifera Margaritifera – augas arribas da represa, xa que na súa etapa larvaria a náiade actúa como hóspede en determinadas especies piscícolas como a troita común ou o salmón atlántico.
Parte da instalación que se retirará atópase derruída e non pode embalsar a auga ata a cota precisa para que o caudal poida circular pola canle de derivación existente permitindo accionar o muíño e dínamo asociados. Ademais, estes elementos están agora en estado de abandono, sen os aparellos precisos para levar a acabo a súa función, pero a represa segue supoñendo un obstáculo para o remonte dos peixes río arriba.
Descrición das obras
Está prevista a demolición de todo o corpo do azud -duns 15,5 metros de lonxitude – de maneira manual desde a marxe dereita e a extracción dos residuos xerados na demolición para a súa retirada por parte dun xestor autorizado.
Unha vez finalizados os traballos procederase á reposición da vexetación afectada polo acceso dos vehículos de obra ao lugar de traballo. As actuacións deberán realizarse en época de estiaxe e a duración estimada será de dous meses -unha vez que se formalice o contrato -.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
