Ribadeo, 22 de xullo de 2022. A nova directiva de Acisa Ribadeo foi proclamada e tomou posesión na Asemblea Xeral Extraordinaria celebrada na tarde de onte no Teatro.
Os seus integrantes son: Carmen Cruzado Iglesias, propietaria de Faro Norte Comunicación, como presidenta; Virginia Ezeiza Baltar, propietaria do Gastrobar Mareta, como vicepresidenta; Manuela Torviso Pérez, propietaria de Lencería Torviso, como tesoureira; Felipe Fernández Barcia, propietario do restaurante A Horta de San Roque, como secretario; José Ramón Leal Segura, propietario da galería Terra Branca, como vocal; e Álvaro Suarez Cernuda, propietario de Coco y Jatay, como vocal.
Na quenda de intervencións o presidente saínte, Francisco Iriarte, tivo palabras de agradecemento para as directivas das que formou parte e para as administracións: “grazas ás compañeiras e compañeiros que me acompañaron nas miñas diferentes etapas á fronte de Acisa Ribadeo. Grazas tamén ás administracións polo seu apoio, que foi e é fundamental para que unha asociación poida organizar actividades. Intentamos facelo o mellor posible ao longo destes anos. Os últimos foron moi difíciles, pero estivemos aí prestando un servizo importante aos nosos asociados”.
E engadiu: “man tendida á nova directiva para axudar en todo o que sexa posible. E quero desexarlles a todos moi sorte”. Francisco Iriarte tamén agradeceu e recoñeceu o traballo realizado polo xerente da Asociación de Comerciantes, Industriais, Servizos e Autónomos de Ribadeo, Jesús Pérez.
A nova presidenta de Acisa Ribadeo, Carmen Cruzado, dixo que “afrontamos esta andaina con ganas e con ilusión. Tentaremos facelo o mellor posible. Quero dar as grazas ás compañeiras e compañeiros que decidiron subirse a este barco para facer todos xuntos esta travesía. Grazas tamén á directiva saínte polo traballo realizado nuns tempos que foron moi complicados cunha pandemia que nos cambiou a vida a todos e que llo puxo moi difícil ao comercio, á hostalería e aos servizos”.
Cruzado subliñou que “os obxectivos da nova directiva pasan por incrementar o número de asociadas e asociados e a organización de actividades que contribúan a dinamizar a hostalería e o comercio de Ribadeo para que sigan a ser o referente que son. Agardamos estar á altura das circunstancias”.
A nova directiva de Acisa manterá a súa primeira xuntanza de traballo a vindeira semana.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
