Foz, 2 de xullo de 2022. A comisión de festas O Noso Foz renóvase e presenta a programación dos festexos do Carme.
A concelleira de Cultura, Inés López Couto, anuncia que “O Noso Foz renóvase. A comisión de festas de Foz estrea o verán coa incorporación de novos membros. Xente nova e ideas frescas para unha comisión que empeza este mes de xullo con forza coas Festas do Carme”.
Ángel Fernández Neira, que continúa presidindo a asociación encargada de elaborar as programacións de festexos en estreita colaboración coa Concellería de Cultura municipal, manifesta: “estamos moi contentos de contar con máis xente implicada para colaborar coas festas de Foz, nunha vila coma esta na que é moi importante a unión e que ten un verán moi potente en canto a festexos”. Entre as caras novas están Erea Ben e Fátima Novo, últimas incorporacións á comisión e á que se uniu anteriormente, coa volta do Carnaval, Estefanía Otero. Continúan o seu traballo Atilano Fernández e Jesús Pérez.
Inés López mostrase “moi feliz de que xente nova se una a este proxecto. A comisión organiza distintos eventos ao longo do ano, dende o Carnaval ata o Carme ou o San Lourenzo, e dende o Concello mantémonos en estreita colaboración con eles para todo. Son necesarias máis mulleres ao fronte de proxectos e que a voz da xente nova tamén se escoite.”
Aproveitando esta presentación lánzase o cartel da programación cultural do mes de xullo, na que se inclúen as Festas do Carme. Terán o seu inicio coa charla e exposición sobre os 40 anos de alfombras florais en Foz. Esta charla será a cargo de Antón Niñe e a exposición está formada por fotos da súa filmoteca persoal. Será no Cenima o venres 8 ás 19:30 horas.
Á seguinte semana celebraranse as verbenas. O xoves 14 será o día do pregón, na igrexa parroquial ao rematar a misa das 20 horas. Este ano corre a cargo de Narciso Rodríguez Méndez (Siso). Pola noite haberá verbena na praia da Rapadoira a cargo da orquestra Los Coleguitas.
O venres 15 Foz engalana as súas rúas para o paso da Virxe. Dende a tarde realizaranse as alfombras florais. Pola noite haberá verbena a cargo de Los Players e Grupo La Bamba.
O día 16 é o día grande e ás 12 horas a misa será na praza Conde de Fontao, cantada por Mar Aberto, con posterior ofrenda e procesión. Ao finalizar haberá sesión vermú e pola noite verbena con La Ola ADN e Nostalgia. Finalmente o domingo 17 será o Día do Neno con xogos gratuítos para os máis pequenos pola tarde en Conde de Fontao e verbena con Capitol.
Dende a comisión e o Concello de Foz desexan a veciños e visitantes unhas boas festas do Carme.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
