Burela, 16 de xuño de 2022. Na mañá de hoxe celebrouse no Concello de Burela a presentación do Memorial “Heroes do Orzán” Rodrigo Maseda Lozano. O torneo de Fútbol Sala Base organizado pola Fundación Imdecum en recordo do policía burelao Rodrigo Maseda Lozano e dos seus compañeiros Javier López López e José Antonio Villamor Vázquez finados en 2012 na praia coruñesa do Orzán tentando rescatar a Tomas Velicky que tamén faleceu no mar coruñés.
Na presentación, xunto ao presidente da Fundación Imdecum, Marcelino Luna Almarza e o director técnico do Memorial, Alfonso Mera Río, participaron o alcalde de Burela, Alfredo Llano García, o concelleiro de Deportes de Burela, Ramiro Fernández Rey, o Inspector Xefe Accidental da Comisaría Local do Corpo Nacional de Policía de Viveiro, o concelleiro de Deportes de Cervo, David Rodríguez Pernas, en representación da Cruz Vermella Sonia Fraga Seara e o xerente do Pescados Rubén Burela FS, Fernando López Otero.
Este ano cúmprese a IX edición do Memorial que terá lugar os días 24,25,26,27 e 28 de xuño en cinco concellos de A Mariña Lucense: Burela, Foz, Xove, Cervo e Viveiro. O evento deportivo contará con tódalas categorías de base: biberón, prebenxamín, benxamín, alevín, infantil, cadete feminino, cadete masculino e xuvenil. Coma en edicións anteriores no Memorial participarán unha gran representación de clubes galegos e tamén de outras comunidades autónomas coma Castela e León, Asturias e Madrid. A falta dos últimos detalles, a organización agarda unha participación de 650 deportistas entre os 55 equipos inscritos o que supón unha reactivación do evento moi positiva desde o punto de vista deportivo e turístico de A Mariña.
O regreso do Memorial, tras a interrupción causada pola pandemia do Covid-19, non sería posible sen a colaboración das diferentes administracións públicas; Deputación de Lugo, a través do Plan Único co Concello de Burela e da área de Vicepresidencia Deportes, os concellos mariñaos de Burela, Foz, Cervo, Xove, Viveiro e o IES Monte Castelo pola cesións das súas instalacións. Tamén gracias a colaboración de entidades coma OPP-7 Burela a través da súa campaña “Eu como peixe”, Estrella Galicia, Pescados Rubén Burela FS, Halcón Viajes e BCD Sports. Mención especial para a Policía Nacional e a Cruz Vermella pola súa labor diaria e, especialmente, polo seu gran esforzo durante o tráxico suceso na praia herculina na que os Heroes do Orzán deixaron un legado que hai que coidar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
