Ribadeo, 16 de xuño de 2022. Toda a oferta de Formación Profesional dos nove centros de A Mariña que imparten este ensino darase a coñecer nunha xornada que se celebrará no Cine Teatro de Ribadeo o vindeiro luns, 20 de xuño, de 10 a 14 horas. Este evento, que se celebra por primeira vez, está organizado polo CIFP Porta da Auga e é aberto ao público con entrada libre e gratuíta.
O director do Porta da Auga, Isidro Berdeal Díaz, acompañado pola xefa de estudos do centro ribadense, Leticia López Adrio, anunciou que “para o vindeiro luns, 20 de xuño, estamos organizando, en colaboración e supervisada pola Dirección Xeral de Formación Profesional, da Consellería de Cultura, Educación, Formación Profesional e Universidades, unha xornada para dar a coñecer a oferta de FP que temos na Mariña e todas as actividades que se fan en torno á Formación Profesional. A esta xornada, que se inaugurará ás 10 da mañá, asistirán o director xeral e o subdirector xeral de Formación Profesional; e o segundo participará despois na exposición dunha das mesas temáticas, concretamente sobre as posibilidades da FP Dual en Galicia. E a posteriori intervirán os distintos centros que temos Formación Profesional na Mariña, que somos nove, en distintas charlas para falar de temas como os cursos de formación específica; a FP para persoas adultas, o procedemento de avaliación, recoñecemento e acreditación de competencias profesionais; a innovación que se está producindo nos últimos anos na Formación Profesional; os campionatos que se organizan dos distintos graos de FP básica, media e superior; a participación e as experiencias que temos en Erasmus distintos centros da comarca; e finalmente a mesa prevista para as 12:50 horas, na que cada un dos centros expoñerá a oferta educativa que temos para o vindeiro curso 2022-23”.
“Convidamos a asistir ao evento, que se retransmitirá por streaming a través da canle FP Galicia do facebook da Consellería, no Cine Teatro de Ribadeo, que ten capacidade para albergar a moita xente que teña inquedanzas sobre a Formación Profesional que hai en toda A Mariña”, engadiu o director do CIFP Porta da Auga, quen comentou tamén que “a entrada é libre e gratuíta e haberá un stand de cada un dos centros, nos que se poderá recoller información da oferta educativa que temos. E o IES de Foz traerá un furgoneta con servizo de café para que a xente que asista á xornada poida tomar un café elaborado polo profesorado e alumnado de Hostalería do centro educativo focense”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
