Ribadeo, 9 de xullo de 2022. O Concello pon en marcha un programa municipal de incentivos para as empresas que contraten ao alumnado do obradoiro Prepara o teu Camiño. O período de solicitude estará aberto ata o 27 de xuño.
O concelleiro de Desenvolvemento Local, Pablo Vizoso, explicou que “o Concello pon en marcha un programa municipal de incentivos á contratación das persoas participantes do obradoiro dual Prepara o teu Camiño coa finalidade de facilitar a incorporación laboral, a empregabilidade das persoas participantes e facilitarlles unha posibilidade de adquirir experiencia no ámbito no que se formaron”.
O edil ribadense manifestou que “as empresas interesadas en contratar ao alumnado das especialidades de Xestión de marketing e comunicación e de Desenvolvemento de produtos audiovisuais multimedia interactivos recibirán unha axuda de 1.500 euros por cada contratación. As contratacións deberán de ser a xornada completa e terán como mínimo unha duración de 3 meses”.
O concelleiro de Economía, Desenvolvemento Local e Turismo, Pablo Vizoso, dixo “que o programa persegue ofrecer experiencia laboral ao alumnado que remata o período de formación e pode ser unha oportunidade para a súa incorporación no mercado laboral despois de 9 meses de formación”.
E engadiu que “o período de solicitude estará aberto ata o 27 de xuño. E a contratación deberá estar directamente relacionada coas especialidades na que o alumnado se formou. Unha vez concedida a axuda ás contratacións deberán formalizarse entre o 14 de xullo e o 29 xullo, é dicir unha vez que finalice o obradoiro e como máximo 15 días despois do remate. As bases de convocatoria están dispoñibles no taboleiro de anuncios do Concello de Ribadeo https://ribadeo.sedelectronica.gal/info.0 e se desexan máis información poden poñerse en contacto coa Área de Desenvolvemento Local”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
