Ribadeo, 9 de xuño de 2022. A tapa do restaurante Marinero foi a elixida polo público como a mellor do Ribadeo de Tapeo 2022. E a mellor barra foi para a do bar Quemada. O concelleiro de Turismo, Pablo Vizoso, destaca a acollida do evento no que foron servidas arredor de 30.000 tapas.
O edil ribadense contou que “o público participante nesta edición cos seus votos depositados nas urnas instaladas nos 32 locais participantes decidiu que o premio Tapa do Público sexa para a tapa Témola Negra.do establecemento hostaleiro restaurante Marinero e o premio á Mellor Barra sexa para o bar Queimada. Este último elíxese tendo en conta a ambientación do local, a profesionalidade no servizo, as instalacións e tamén a experiencia e disfrute dos clientes”.
Vizoso Galdo explicou que “a entrega dos premios e dos galardóns terá lugar o vindeiro martes, 14 de xuño, ás 19.30 horas no Salón de Plenos do Concello de Ribadeo. Nese mesmo acto tamén se entregarán os premios do xurado profesional, que hai que lembrar que se trata dun grupo formado por cinco espertos cociñeiros, que estiveron degustando e xulgando as tapas durante a celebración do concurso gastronómico. Ese xurado profesional decidiu que o primeiro premio fose para a tapa do bar Chámalle Estopa, o segundo para a tapa do bar Queimada e o terceiro premio para o restaurante El Oviedo. E no Alén recaeu a tapa de Ribadeo, realizada con produtos e ingredientes de proximidade. Nos vindeiros días tamén se establecerá contacto coas persoas que resultaron agraciadas no sorteo de comidas, ceas, menús degustación e estancias aportados por un grupo de establecementos de Ribadeo”.
E engadiu: “desde a Concellaría de Turismo felicitamos aos premiad@s e agradecemos a participación de toda a cidadanía no Ribadeo de Tapeo 2022, pois este ano este concurso gastronómico volveu a superar todas as expectativas enchendo de xente e de animación as rúas de Ribadeo e os nosos establecementos. A proba máis evidente é que as tapas vendidas achéganse ás 30.000 unidades, o que demostra a fabulosa acollida deste evento e anímanos a seguir traballando nesta liña por Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
