“A Xunta ten un compromiso claro co Hospital Asilo de forma que a súa aportación económica vai garantir a súa reforma integral”, asegura Vega
Ribadeo, 1 de xuño 2022. O portavoz do Grupo Municipal Popular de Ribadeo, Daniel Vega, apunta que “despois de 20 anos, este goberno do BNG é incapaz de buscar unha solución económica e viable para o Hospital Asilo de Ribadeo. Soben o prezo da praza por residente nun 6,8% mentres que a suba das pensións é de só o 2,5%. Parécenos, polo tanto, unha decisión moi inxusta para moitas familias que están sufrindo a crise pola suba xeneralizada dos prezos”.
O popular condena que “escolleron subir esta taxa, pero non concretar unha solución razoable e definitiva que garantice o futuro do Hospital Asilo. O BNG non nos fixo caso e aprobaron, eles sós, unha subida do 6,8% da taxa fronte á oposición que lles estaba dicindo que tomen outro tipo de decisións”.
O Grupo Municipal Popular reclama, por activa e por pasiva, a reforma integral do Hospital Asilo. E, dende practicamente o inicio do mandato, piden que “se constitúa unha comisión integrada por técnicos e representantes das distintas formacións políticas, traballando todos como corporación. Creo que é o razoable”, manifesta Vega. Ademais, explica que “a Xunta ten un compromiso claro co Hospital Asilo e, polo tanto, a súa aportación económica vai garantir a súa reforma integral”.
Vega asegura que “seguen chegando aos pleno facturas sen pagar. Isto acredita que non estabamos mentindo. O tempo dános a razón: o goberno local do BNG é o que máis tarde paga de toda A Mariña”. Ante este problema, “o goberno do BNG non da a cara”. É máis, esta situación xera problemas cos funcionarios porque “este goberno os trata con moito desprezo dende un ego desmedido”.
O BNG rexeita todas as propostas do Grupo Municipal Popular
Os populares pediron tamén reforzar en momentos puntuais, coma agora na primavera que é cando máis medra a herba, os traballos de limpeza das áreas recreativas e xardíns e o desbroce das marxes das estradas municipais cun incremento do presuposto para estas tarefas. “Pódese contratar unha empresa de reforzo en momentos puntuais, como fan outros concellos”, apunta Vega.
A vicevoceira Elena Sierra pediu explicacións sobre a abrupta tala no paseo do Cargadoiro e esixiu solucións aos problemas do auditorio no que hai graffitis. A popular propuxo pintar o exterior, substituír os cristais rotos e instalar cámaras de seguridade, pero o goberno do BNG negouse a poñer en marcha estas medidas.
A concelleira Begoña Sanjurjo instou ao goberno local a que “volva abrir a Oficina do Peregrino, anunciada polo goberno do BNG a bombo e platillo e que só durou 2 meses aberta. Estamos en pleno Ano Xacobeo, pero o goberno local di que non fai falta”.
En resumo, Vega explica que “o goberno local do BNG non quere dar solución a problemas de Ribadeo e responde insultando e faltando ao respecto ao Grupo Municipal Popular e ao seu portavoz”. Pero, aínda así, “seguiremos traballando, fiscalizando a este goberno como é a nosa misión como oposición e tamén servindo a Ribadeo fronte a este goberno esgotado”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
