Concertos de pequeno formato polas parroquias, actividades divulgativas e espectáculos interdisciplinarios conflúen no evento
Lugo, 15 de xuño de 2022. Esta tarde presentouse na Praza de San Marcos de Lugo o Festival MindoMúsica que se celebrará do 3 ao 10 de xullo en distintos emprazamentos do concello de Mondoñedo, desde a Catedral ata as parroquias do rural, achegando a música a todos os públicos con concertos en pequeno formato, actividades divulgativas e espectáculos interdisciplinarios.
A coordinadora do festival e violinista Rebeca Maseda explicou que unhas das novidades e apostas desta cuarta edición é “a incorporación ao festival doutras artes, con espectáculos nos que a música dialogará con outras disciplinas como a danza, a performance ou a videocreación”, afondando no obxectivo do festival de propoñer unha oferta cultural de calidade no rural.
O programa arrancará o domingo 3 de xullo co Parroquias Tour, con concertos da formación EnClave Poético -César Morán á guitarra e Rebeca Maseda ao violín- en varias parroquias do municipio ao longo do día. Serán concertos de pequeno formato, a xeito de encontros coa veciñanza, nos que os músicos interpretarán e explicarán o repertorio, con poemas de autores e autoras galegas musicados por César Morán.
Esa mesma filosofía inspira os concertos que se celebarán o luns 4 na Residencia e Centro de Día de Mondoñedo e no Centro Asistencial San Paulo e San Lázaro, nos que “a música ao vivo vai ao encontro das persoas”.
O mércores 6 organizarase un taller divulgativo sobre instrumentos e música antiga para alumnado e Anpa da Escola Municipal de Música O Pallarego, (20.00 horas), a cargo da formación El Afecto Ilustrado.
O xoves 7 na Casa dos Coengos, no complexo catedralicio, desenvolverase unha palestra sobre os arquivos musicais catedralicios no que participarán destacados musicólogos e historiadores, como Miguel Ángel Marín, Carlos Villanueva, profesor da USC e responsable da catalogación do arquivo musical da Catedral mindoniense, Monteserrat Capelán, profesora do departamento de Historia da Música da USC que está a preparar un doutoramento sobre archivos de música en Caracas (Venezuela) e Gonzalo Francisco Fernández Suárez, decano da Facultade de Humanidades e Lugo e grande coñecer do arquivo histórico de Mondoñedo.
De venres a domingo, celebranse os concertos de maior formato, espectáculos interdisciplinarios nos que confluirán diferentes manifestacións artísticas. O venres 8 actuará o grupo de cámara El Afecto Ilustrado, integrado por pofesionais que despuntan no panorama estatal e internacional e especializado na interpretación historicamente informada do repertorio comprendido entre os séculos XVII e XIX, dunha forma próxima e tanxible. (Catedral de Mondoñedo, 20.30 horas)
O sábado 9 será a quenda para o espectáculo Clorindae, no que compartirán escenario as pianistas Rosalía Gómez Lasheras e Sinforosa Petralia e a bailarina Patrizia Lo Sciuto. (Auditorio Municipal Pascual Veiga, 20.30 horas) A proposta, que ven de estrearse nas Xornadas de Música Contemporánea de Compostela, inspírase nunha personaxe do poema épico de Torquato Tasso, símbolo da resiliencia feminina. A súa referencia serve ás autora para retratar, a través da música e da expresión corporal, a loita das mulleres na sociedade actual.
O Festival Mindomúsica pecharase o domingo 10 coa actuación do quintento de vento Zoar Ensemble, co concerto “Paisaxes de Iberia” no que interpretarán adaptacións para vento do “Don Quixote” de Xesús Bal y Gay e da suite Iberia de Isaac Albéniz. (Auditorio Municipal Pascual Veiga, 12.30 horas). O concerto incorporará, mediante medios audiovisuais, imaxes sobre os lugares que evocan as músicas.
A vicepresidenta da Deputación de Lugo, Maite Ferreiro, que acompañou a presentación do Festival, felicitou á organización do Festival e sinalou a singularidade do evento que “achega a música a todo tipo de públicos, levando a entornos rurais propostas culturais máis habituais de entornos urbanos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
