Ribadeo, 1 de xuño de 2022. A Xunta de Galicia apoia un ano máis a Romaxe das Cruces, que se celebrará o vindeiro domingo no santuario de Nosa Señora das Virtudes na Ponte de Arante (Ribadeo). O delegado territorial de Lugo, Javier Arias, participou hoxe na presentación dos actos desta festa, que estreou a distinción de interese turístico de Galicia na edición do 2019.
Arias felicitou á comisión organizadora por “retomar a festa logo de dous anos difíciles, e facelo coa firme determinación de atraer a máis visitantes para que poidan sumarse á tradición e achegarse á historia e ao patrimonio deste núcleo”.
Neste sentido, lembrou que a igrexa foi recentemente restaurada pola Consellería de Cultura, Educación, Formación Profesional e Universidade, que destinou un investimento de 183.000 euros a corrixir a entrada de humidades e as patoloxías que este problema provocaba.
O delegado territorial sinalou que, no marco desta celebración, a Xunta patrocina o concerto de Luar na Lubre, a representación da batalla a cargo do Bruxo Queiman e Andrea Pousa -ambas actuacións a partir das 17,30 horas-, e a cartelería.
A Romaxe das Cruces serve para conmemorar a vitoria dos veciños das sete parroquias da contorna contra o exército de Napoleón no ano 1809; o momento máis vistoso é o ritual dos pendóns e das cruces.
Este ano a festa adiántase por primeira vez ao domingo, en lugar de celebrarse o luns de Pentecostés. A xornada comezará ás 12.00 horas coa bendición dos campos, a procesión, o bandeo do pendón e a reverencia das cruces. Entre outras actividades, haberá comida popular no campo da festa e verbena.
Pola súa banda o voceiro do Grupo Municipal Popular e deputado autonómico, Daniel Vega, agradece “profundamente” o traballo da asociación veciñal e a colaboración dos veciños da Ponte de Arante por conservar a tradición da Festa das Cruces, declarada Festa de Interese Turístico Galego, e que este ano se celebra o domingo 5 de xuño no barrio da Ponte.
Vega tamén recorda e agradece o traballo de Emilio Piñeiroa. “Hai que recoñecer ás persoas boas e xenerosas que loitaron por conservar as pinturas murais da capela da Ponte, únicas en Galicia pola súa temática mariñeira; e por dar publicidade a un elemento de gran riqueza patrimonial e cultural que está situado ao pé do Camiño Norte”.
“As reivindicacións dos veciños e o traballo de Emilio Piñeiroa fixeron posible que a Xunta investira 183.000 euros no arranxo do santuario para evitar que as humidades danaran as súas pinturas murais e que incluíron unha nova cuberta, a instalación de canalóns e unha nova iluminación”, explica o popular.
Vega agradece tamén “a El Farero, o responsable dun vídeo promocional do santuario e das súas pinturas murais, o seu traballo e o seu interese por promocionar o que é noso, de Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
