Como veciño da Mariña, por razóns familiares e, sobre todo, razóns profesionais, non me é allea a importancia que a pesca ten na costa de Lugo e no conxunto da nosa comunidade. Durante tres lexislaturas servín como portavoz do mar do Grupo Parlamentario Popular -o maioritario da Cámara- despois defendín os seus intereses como delegado Territorial da Xunta en Lugo e, na actualidade, teño a gran honra de presidir a Comisión de Pesca e Marisqueo do Parlamento de Galicia.
Precisamente grazas a esta última condición puiden organizar -en resposta á súa invitación- un encontro de traballo cos representantes do sector pesqueiro comarcal, coas sociedades de armadores dos portos de Burela e de Celeiro, as organizacións de produtores pesqueiros e coas confrarías da zona. Nel participamos deputadas e deputados de todas as forzas políticas parlamentarias (PP, BNG e PSOE) co obxecto de coñecer de primeira man a situación do sector, recoller as súas propostas e, en definitiva, escoitar, ver e aprender, abertos ao que querían trasladarnos desde estes colectivos. A política útil require de proximidade e se queremos ser útiles a un sector tan importante como é o da pesca deben sentir o noso apoio os que traballan na captura, transformación e comercialización dos peixes e mariscos frescos.
A actividade foi especialmente proveitosa e positiva primeiro, pola súa duración, foron dúas xornadas intensas; pero tamén, porque ao estar representados deputados de todas as formacións políticas o encontro non tivo un carácter partidista e produciuse un debate heteroxéneo e enriquecedor.
Moitos xa estabamos convencidos diso pero o certo é que a pesca ten que afrontar retos nada sinxelos nos próximos meses. O relevo xeracional; o impacto da alza dos prezos dos combustibles e do transporte; adecuar a normativa á realidade do sector e non lexislar desde os despachos; un mariñeiro ten que dedicarse ao seu oficio, e non a encher papeleo e superar múltiples trámites burocráticos; os portos teñen que estar dotados de infraestruturas e servizos que sexan útiles para os profesionais; Europa ten que comprender que a xestión das cotas pesqueiras non pode facerse desde o ecoloxismo radical senón desde a realidade social e económica dos nosos pobos mariñeiros, en especial, cando no mar hai abundancia de recursos pesqueiros e non son aproveitados.
Polo ben de todos actuemos con sentido común. Coidemos, protexamos e permanezamos ao carón dos profesionais do noso mar. Paga a pena apostar pola Galicia azul.
Jose Manuel Balseiro
Presidente da Comisión de Pesca do Parlamento de Galicia
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
