Mentres a Xunta segue sen aportar fondos, o Goberno de España xa pagou 25M€ ás ganderías de leite da provincia e ten en marcha o procedemento para conceder axudas aos produtores de carne
Lugo, 26 de xuño de 2022. A Xunta de Galicia aínda non aportou nin un só euro ao sector gandeiro para paliar o impacto da guerra en Ucraína. Así o pon de manifesto o PSdeG nunha moción que defenderá no Pleno da Deputación de Lugo do vindeiro martes, unha proposta na que demanda ao Goberno galego que convoque canto antes unha liña de axudas directas para as ganderías de carne (vacún, ovino, cabrún, avícola e cunícola), que sexa complementaria e da mesma cantidade que o investimento destinado xa polo Executivo do Estado para os produtores galegos.
Neste sentido, os socialistas subliñan que, mentres a Xunta segue sen aportar fondos, o Goberno de España xa pagou 25M€ ás ganderías de leite da provincia e ten en marcha o procedemento para conceder axudas aos produtores de carne, que contempla pagos de 60€/vaca nutriz, 12€/becerro, 5€/ovella e cabra, e cantidades variables en función da capacidade das granxas de polos e coellos. Unhas axudas que serán importantes para a provincia de Lugo, que conta co 44% das granxas de bovino para produción de carne de Galicia e co 30% das granxas de ovino caprino.
O PSdeG explica que a moción que levarán ao Pleno da Deputación vai na liña da iniciativa aprobada por unanimidade o pasado 17 de xuño no Parlamento de Galicia a instancia dos propios socialistas, para reclamarlle á Xunta unha liña de axudas ó sector agrogandeiro con fondos propios. “Deste xeito, a Cámara galega instaba á Xunta a sumarse ás medidas excepcionais adoptadas pola Unión Europea e o Goberno do Estado para axudar ó sector a paliar os efectos da crise derivada da pandemia e da guerra de Ucraína”, subliñan os socialistas.
O partido lembra que o pasado mes de marzo, o entón presidente da Xunta, Alberto Núñez Feijóo, reclamáballe ao Goberno que aportase en axudas directas a mesma cantidade que aportaba a UE, uns 65 millóns de euros. Dende aquel momento, ademais das medidas xerais de bonificación dos carburantes, o Goberno de España aprobou un paquete de axudas para o sector duns 360 millóns de euros, 169 deles de xeito específico para o sector lácteo. Polo que respecta ó resto dos sectores agrogandeiros, o Goberno duplica a axuda europea de 65 millóns de euros, aportando outros 128 ata chegar a un total de 193 millóns de euros.
Así as cousas, “mentres a Xunta aínda non ten achegado nin un só euro en axudas ó sector, o Goberno de Pedro Sánchez duplica a solicitude de fondos que lle pedira o expresidente Feijóo, e o pasado 30 de maio, 6.434 gandeiros e gandeiras galegos percibiron xa 55 millóns de euros das axudas ó sector leiteiro. Desa cantidade, 25 millóns corresponderon ás 2.835 explotacións de leite da provincia de Lugo”, subliñan os socialistas.
Por citar a modo de exemplo concellos beneficiarios da provincia con máis de un millón de euros das axudas do Estado ao sector lácteo, no concello de Sarria foron 1.355.430 euros; en Pol, 1.034.762 euros; na Pastoriza, 1.949.448 euros; en Guitiriz, 1.063.513 euros; en Chantada, 1.223.857 euros; en Cospeito, 1.240.147 euros; en Castro de Rei, 1.780.544 euros; e en Lugo capital, 1.251.294 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
