Tra-lo éxito das súas últimas accións en Madrid, a campaña de ‘Merluza D& Burela’ chega á cidade condal para difundir a calidade do produto nos buses que levan ás prazas de abastos
Burela, 1 de xuño, 2022. ‘Merluza D& Burela’ desembarca en Barcelona disposta a conquistar o padal dos seus habitantes a base de calidade coa campaña campaña “Merluza a Merluza”, que desde mediados de maio adorna as traseiras e laterais dos autobuses das liñas que levan aos principais mercados e peixarías da cidade condal.
O obxectivo desta nova campaña lanzada desde a Organización de Produtores Pesqueiros do Porto de Burela, que se desenvolve ata finais do mes de xuño, é chegar aos puntos de compra máis tradicionais de Barcelona, como as prazas de abastos e as peixarías toda a vida, a través dun circuíto de 20 autobuses que encherán a cidade con gráficas que reflicten as bondades deste produto da lonxa de Burela.
Algúns dos mercados máis relevantes da cidade, entre eles a Boquería, Sant Antoni e Santa Caterina, forman parte do roteiro, formado por un total de 23 prazas de abastos e mercados.
Desde a Organización de Produtores do Porto de Burela consideran que “Barcelona é un dos principais mercados de interese na nosa estratexia de comunicación e promoción nacional para seguir consolidando a imaxe de marca de Merluza D& Burela”.
Con esta nova campaña de promoción da súa pescada do pincho, a OPP-7 Burela enxalza unha vez máis a calidade excepcional do produto, poñendo o foco no traballo, esforzo e compromiso que hai detrás de cada peza capturada artesanalmente: “Onda a onda, barco a barco, pescando unha a unha cada unha das nosas pescadas”. O conxunto de mensaxes da campaña de Merluza D& Burela enxalza as calidades deste peixe que se captura con artes propias da pesca sostible porque “é do pincho e é de calidade”.
A campaña, que chega a Barcelona tra-lo éxito alcanzado en Madrid, onde conseguiu chegar a máis dun millón de usuarios, alcanzando a un 72% do seu ‘target’ de responsables de compra no fogar; compleméntase cunha estratexia de pantallas dixitais situadas en lugares públicos de alta afluencia para impactar en momentos e horas distintas.
Precisamente a calidade é clave nunha campaña onde, ademais dos mercados tradicionais, outro gran punto de interese son as peixarías de barrio, xa que é aí onde se atopa o consumidor informado e esixente que pide e compra calidade.
Esta campaña da Organización de Produtores Pesqueiros Porto de Burela inclúese no seu plan de produción e comercialización, realízase en colaboración con Armadores de Burela e está cofinanciada pola Xunta de Galicia e o FEMP.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
