Barreiros, 25 de maio, 2022. O grupo Tumba e Dálle, formado por mozos e mozas de San Miguel (Barreiros), Rinlo, Ribadeo, Trabada e Lourenzá, presentouse ao concurso enviando una maqueta do seu tema “Concha da Ialma” e ven de coñecer que foi seleccionado entre os 6 finalistas entre una lista de mais de 20 participantes.
As 6 propostas seleccionadas por un xurado profesional actuarán nunha gala que se clebrará o vindeiro 4 de xuño no Náutico de San Vicente do Mar (O Grove) , onde o mesmo xurado dilucidará os dous gañadores finais.
“Para nós é xa un premio estar entre os seleccionados e imos ao Grove con toda a ilusión e sen presión ningunha, coa idea de disfrutar ao máximo do momento”, aseguran dende o grupo.
Na gala cada finalista disporá de 10 minutos de actuación e tocará un mínimo de dous temas. “Agora toca escoller o que imos tocar, que non é doado, porque hai que xogar co tempo estipulado , con non repetir ritmo, con incluir ou non a peza que xa mandamos e que o xurado xa coñece… temos que darlle aínda una volta a ver por cales nos decidimos”.
Dende Tumba e Dálle, con máis xa de 10 anos de traxectoria artística, afirman que isto supón renovar a ilusión por seguir ensaiando e tocando: “ilusión temos sempre pero é certo que ás veces se fai duro ensaiar semana tras semana e que o teu traballo apenas teña repercusión fóra da comarca. A idea de presentarnos era principalmente esa, dar a coñecer o que facemos dende este recuncho do país, así que nese senso obxectivo máis que cumplido”.
O Concurso Interritmos- Sons do Rural é un evento xa consolidado na música tradicional do País e está organizado por Grupos de Desenvolvemento Rural, Asociación de Desarrollo Local Deloa, Ribeira Sacra-Courel , Salnés Ulla Umia e a Asociación de Desenvolvemento da Comarca de Ordes.
O premio para os dous gañadores finais consistirá na participación dun circuito musical por eventos por todos os territorios citados, destacando entre outras a participación no Festival da Luz, en Boimorto así como a gravación dunha peza nun estudio profesional e un videoclip de promoción.
“Estar entre os dous gañadores finais sería a repera pero é algo que non nos plantexamos, hai moita e moi boa competencia e que pase o que teña que pasar, nós a disfrutar o momento, vivir a experiencia a tope e iso en si mesmo xa será un gran premio. Se ven algo a maiores pois perfecto, xa teremos tempo de asimílalo, e senón pois perfecto tamén, a seguir ensaiando e tocando que en definitiva é o que máis nos gusta”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
