“Estamos diante unha ocultación de información grave, que torpedea o noso traballo diario como representantes da corporación municipal, tal e como recolle a propia lexislación”, advirten
Riotorto, 11 de maio de 2022. Os Socialistas de Riotorto avanzaron hoxe que recorrerán á Valedora do Pobo ante a falla de transparencia do Alcalde. “Comprobamos diariamente o constante torpedeo do PP para poder exercer o noso traballo como oposición”, lamentaron os concelleiros do PSdeG.
Os socialistas explican que o pasado 19 de agosto do 2021 presentaron un escrito no rexistro no Concello para poder revisar os expedientes de contratación da obra de ampliación da rede de saneamento dende Mundin a Hortovello. E o pasado 29 de setembro do 2021, solicitamos coñecer o proxecto para a planta de residuos. “Pois ben, 9 meses despois destas dúas solicitudes, concretamente no dia de onte, martes 10 de maio, puidemos acceder a comprobar estas expedientes. Esta é a democracia do PP e do Alcalde de Riotorto”, critican os socialistas.
Por iso dende o PSdeG queremos lembrarlle a lexislación vixente sobre estas peticións. O artigo 14 de Regulamento de organización, funcionamento e réxime xurídico das entidades locais, puntualiza: tódolos membros das Corporacións Locais teñen dereito a obter do Alcalde ou Presidente ou da Comisión de Goberno cuantos antecedentes, datos ou informacións obren en poder dos servizos da Corporación e resulten precisos para o desenvolvemento da súa función. A solicitude para o exercicio do dereito previsto deberá resolverse motivadamente dentro dos cinco días naturais seguintes a aquel en que fose presentada.
José García e Francisco Fernández puntualizan ademais que nestes intres o grupo socialista ten pendentes outras peticións no rexistro do Concello. “O pasado 14 de xaneiro deste mesmo ano demandamos revisar o expediente de compra da parcela da planta de residuos e coñecer a licencia da empresa ERINSA. Así como comprobar o rexistro de entrada e saída do Concello. E ademais, con data 16 de marzo, solicitamos o padrón de veciños con canón e sen canón no servicio de auga. “Xa pasaron case 4 meses dende a primeira petición e outros 2 meses da segunda, polo tanto, xa pasou o tempo legal para respostar a estas solicitudes, e seguimos sen noticias”, advirten.
Ocultación de información grave
“Estamos diante unha ocultación de información grave, que torpedea o noso traballo diario como representantes da corporación municipal, tal e como recolle a propia lexislación. Polo tanto anunciamos que recorremos a presentar unha queixa diante da Valedora do Pobo, ante os continuos desplantes democráticos do Alcalde e de todo o Goberno do PP de Riotorto para exercer o noso traballo como concelleiros”, replican dende o PSdeG.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
