Olalla Rodil avanza medidas urxentes para rescatar os sectores sociais e económicos máis afectados polo incremento dos presos e garantir os servizos públicos
Santiago de Compostela, 11 de maio, 2022. Ante a segunda sesión do debate de investidura, a viceportavoz do BNG, Olalla Rodil anunciou que a portavoz nacional do BNG, Ana Pontón defenderá unha batería de propostas urxentes para rescatar os sectores sociais e económicos máis afectados polo incrementos dos prezos.
Rodil afirmou, que o BNG encara a segunda sesión de investidura “cun proxecto de País fronte a un candidato que non ilusiona nin as seus”.
Para a nacionalista, onte o candidato do PP ofreceu un discurso “plano, gris, xenérico, burocrático e desganado”. Un discurso dun “candidato e un goberno do Partido Popular sen ideas, sen nada que ofrecer e sen o máis mínimo entusiasmo”, recalcou.
A viceportavoz do BNG criticou a Alfonso Rueda pola falta de compromiso e propostas para impedir que os sectores máis vulnerables da poboación caian na exclusión social ante o brutal incremento do coste da vida. “Non deu ningunha certeza á mocidade nin medidas para modernizar e transformar a economía galega”. Ningunha propostas tampouco para construír unha sociedade máis xusta, máis equitativa, máis democrática para as mulleres”. O discurso estivo trufado de vaguidades pero sen compromiso real coa sociedade.
Ningunha proposta para enfrontar a crise climática e ir a un modelo produtivo máis sustentábel no ambiental pero tamén no social e no económico. O único que ofreceu Rueda, explicou Rodil foron máis prazas en campamentos e tres vacinas infantís. O que vimos onte foi o mellor reflexo, e a viva imaxe, de que o Partido Popular representa o pasado e cun proxecto esgotado para Galiza.
“Un proxecto sen impulso, sen propostas, sen ideas, un proxecto sen liderado; que está facendo perder oportunidades a este país”, reiterou.
No contexto actual, foi un discurso sen ansia de grandes mudanzas, de grandes transformacións porque o “PP está co freo de man botado” e vai “van elixir un presidente que non lles gusta nin a eles”.
O BNG defenderá propostas contra a crise económica, social e medioambiental
Contra o que vimos onte, o BNG, engadiu a nacionalista, presentará propostas e centraremos a segunda sesión deste debate de investidura cun discurso no que Ana Pontón trasladará un “proxecto de País que está en marcha”. Fóra deste parlamento, dixo a deputada, “ hai milleiros de galegas e galegos esperando que se abra un tempo novo e cun goberno que faga valer os intereses de Galiza.
Aí fóra, enfatizou, hai milleiros de persoas “con ideas, talento e propostas para sacar adiante Galiza, para pensala ao grande, sen conformismo e aproveitando as enormes potencialidades e recursos que temos”.
Fronte ao proxecto esgotado do Partido Popular, está “o proxecto de futuro do BNG de Ana Pontón”.
Fronte á Galiza en pequeno que nos deixa o Partido Popular; propoñemos unha Galiza en grande que poña o talento, a riqueza e os recursos deste país ao servizo das galegas e galegos polo que defenderemos: medidas urxentes para rescatar os sectores sociais e económicos máis afectados polo incremento dos presos e un conxunto de propostas para modernizar e transformar Galiza, para melloras as condicións de vida das galegas e galegos, as de hoxe e as que han vir.
“Propostas para mellorar os servizos públicos, poñendo no centro das prioridades as persoas e o dereito a unha vida digna”, teñas a idade que teñas, vivas soa ou acompañada; no centro da cidade ou na aldea máis remota. Propostas para ampliar e “reforzar o autogoberno galego” como ferramenta para despregar políticas útiles que resolvan os problemas da xente deste país e fagan valer os intereses das galegas e dos galegos. Propostas para que Galiza enfronte grandes retos como a emerxencia climática ou para garantir os “dereitos fundamentais da metade da poboación que somos as mulleres e que aínda se nos negan hoxe”.
Desde o BNG imos propor ás galegas e galegos o que non fixo o Partido Popular: “un proxecto de futuro e un liderado claro”.
Desde a humildade, coma sempre, pero con toda a confianza nas galegas e galegos, e co convencemento de que este país pode dar moito máis de si, “entre todas e todos podemos construílo”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
