Santiago de Compostela, 5 de maio, 2022. A través dunha pregunta parlamentaria ao goberno, a portavoz de Sanidade hospitalaria do BNG, Iría Carreira afirmou que o Partido popular coloca á sanidade pública nunha situación “dramática” e ao borde do precipicio no que atinxe ás listas de espera.
Na súa intervención explicou que os datos sobre as listas de espera, a finais do segundo trimestre de 2021, era de 262 persoas con máis de 12 meses de espera por unha intervención cirúrxica e 1.937 entre seis a doce meses, en total 40.316 pacientes agardando por unha cirurxía. A finais de decembro de 2021, os datos xa reflectían 43.194 pacientes agardando por unha intervención cirúrxica, 3.455 con máis de 6 meses de espera. A media pasou de 54.5 días en decembro de 2019 a 77 días en decembro de 2021. “O número de pacientes que esperan máis de 6 meses multiplicouse por 10 en dous anos”. Neste liña preguntou cantos pacientes se derivaron á sanidade privada nos últimos anos e con que gasto.
Tras a intervención do Director xeral de Atención Sanitaria, Jorge Boal, a nacionalista acusou ao membro do goberno de “retorcer os datos” e practicar “unha política de ocultación”. Os datos do propio SERGAS do 30 de xuño de 2021, na área sanitaria de Santiago Barbanza, no servicio de uroloxía, afirmou, non teñen ningún paciente rexistrado no apartado de máis de 12 meses sen embargo, temos o exemplo dun paciente en lista de agarda con 596 días. A existencia deste caso é como para poñer en dúbida os datos que o SERGAS fai públicos, aseverou.
A xuízo da deputada, o goberno utiliza os datos segundo a súa conveniencia, porque se os datos non son positivos “non se publican”. Vostedes recalcou a nacionalista, “seguen negando a realidade” e para que as pacientes “non se indignen” cando teñen unha consulta para un especialista hospitalario no ano 2023 non se lles ofrece ningunha data pero deben permanecer pendentes dunha chamada por se hai un oco.
Concretamente na Xerencia de Compostela, o habitual e que as citas “aparezan rexistradas en buzón para asignar unha data” e desta maneira “tamén aforran as protestas dos pacientes”.
Por outro lado, engadiu, existen pacientes dados de alta no hospital que marchan se terlle asignado unha cita para consulta, “unha vulneración dos dereitos do paciente que deben ser informados e informadas das súas próximas citas para ser atendidas”.
“O retoque e a maquillaxe é algo que a este goberno lles gusta moito” pero xa non lles chega a “chapa e pintura” para disimular o “desastre” da sanidade pública. O propio conselleiro de Sanidade e Núñez Feixóo non tiveron máis opción que recoñecer “o colapso de Atención primaria” e hai unhas semana o Xerente do SERGAS “admitiu que até o ano 2023 non se recupera a lista de espera con datos de prepandemia”.
Dende o ano 2013 consolidouse a derivación de pacientes á sanidade privada para realizar probas diagnósticas o cirurxías, e baixo a escusa deste “paraugas legal” non foron contratadas novas profesionais na sanidade pública. Ademais, esta derivación non reduciu as listas de espera polo que preguntou ao Director de Atención hospitalaria cantos pacientes foron derivados nos últimos anos e cal foi o gasto real. Coa aprobación desta lei establecéronse dúas clases de listas de espera, as estruturais nas que máis o menos se cumpren os prazos e as “non estruturais” que non se publican porque entran os pacientes que rexeitan a derivación a un centro concertado ou a data ofertada pero no momento que entran nesta lista “desaparece” a obriga da prestación sanitaria nun tempo máximo.
Cal é o número de pacientes rexistrados nas listas non estruturais, preguntou a nacionalista e sobre todo, cando se van facer públicas?
Neste sentido lembrou que a Valedora do Pobo, María Dolores Fernández Galiño tense referido a esta problemática e nos seu informe de 2020 critica a “particular situación daqueles doentes que estando na lista de espera estrutural para ser intervidos dunha patoloxía, xeralmente con prioridade tres, rexeitaban a oferta dun centro concertado.
Fernández Galiño recomenda que os pacientes que rexeiten a oferta dun centro concertado teñen dereito a recibir unha asistencia sanitaria na súa comunidade autónoma de residencia nun tempo máximo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
