Foz, 10 de maio de 2022. A Casa da Cultura acolleu a entrega dos 15 soldos da campaña dos días do Pai e da Nai de AciaFozCCA. Tamén recibiron os seus galardóns os gañadores da XVIII Ruta de Tapas. O acto, que foi conducido por Anxo Rivas de Radio Foz, contou coa presenza do alcalde de Foz, Fran Cajoto, do presidente da Federación Galega de Comercio, José Mª Seijas, do xefe territorial de Economía e Empresa, Gustavo Casasola, do presidente de AciaFozCCA, José Carlos Paleo, e doutras autoridades como os concelleiros de Comercio e Cultura focenses, Chema Linares e Inés lópez Couto, e o deputado provincial Javier Castiñeira.
AciaFozCCA repartiu 6.000 euros nos 15 soldos entregados na xornada de onte, que as afortunadas e os afortunados poderán consumir de xuño a novembro. Os gañadores dos 5 soldos de 100 euros mensuais foron: Marta Fra, que mercou en Decoraciones Pura; Carmen Castro en La Flor Abulense; Antonio Peláez, en Librería A Rapadoira; Carmen Otero en Kukadas; e Vanesa Losa en Milar.
E os gañadores dos 10 soldos de 50 euros mensuais foron: Constantino Pérez, que fixo compra en Ofifoz; Montse Fernández en Decoraciones Pura; Carmen Fernández en Chinela Nenos; Mª Luisa Alonso en Kukadas; Dulce López en Lencería Esther; Rebeca Fernández en Mercería Vera; Tania Novás en Vas’s; Elisa Vilaseca en Ferretería Fuente; Manuela Otero en Milar; e Alicia Vázquez en Chuvia.
O primeiro premio da décimo oitava Ruta de Tapas foi para Namarinos polo seu “nido de bacalao con guacamole y crujiente de cebolla”; o segundo premio recibirao Dandy polo seu “hojaldre de carrillera”; o terceiro premio será para Anduriña pola súa “piruleta de ternera gallega en tempura sobre crema de queso de San Simón y reducción de vino mencía” e haberá un premio especial para O Pelolo polo seu “huevo de codorniz a baja temperatura con espuma de patata, migas y botillo”. O xurado quixo recoñecer así a súa orixinalidade.
Fixeron entrega dos premios aos ganadores e gañadoras o xefe territorial de Economía e Empresa, Gustavo Casasola, o presidente da Federación Galega de Comercio, José Mª Seijas, o concelleiro de Comercio e Turismo, Chema Linares, o vicepresidente de AciaFozCCA, José Ginzo, a secretaria de AciaFozCCA, Olaya Pedrosa, o alcalde de Foz, Fran Cajoto, a concelleira de Cultura, Inés López, así como Pura García e Moncho Castro, vocais de AciaFozCCA.
Interviñeron no acto Gustavo Casasola, José Mª Seijas, José Carlos Paleo e Fran Cajoto. Todos felicitaron aos afortunados e subliñaron a importancia que os negocios locais teñen para localidades como Foz. Animaron a seguir apostando polas compras no comercio da vila.
Estas campañas, organizadas por AciaFozCCA, contaron coa colaboración da Xunta de Galicia e do Concello de Foz.
Galardoados e convidados compartiron un viño e conversación na pizzería Xoíña e antes fixeron todos xuntos unha foto de grupo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
