Trabada, 6 de maio de 2022. As unidades móbiles do programa Coidados porta a porta da Xunta de Galicia atenderon dende a súa posta en marcha, o 31 de marzo, a 665 veciños e veciñas nos dez concellos lucenses que percorreron, todos eles da comarca da Mariña excepto Muras.
O delegado territorial de Lugo, Javier Arias, explicou que o programa da Consellería de Política Social recala estes días en Trabada e Foz, onde se instalaron senllos autobuses nos que se ofrecen servizos gratuítos de podoloxía, audioloxía e estimulación da memoria ás persoas maiores de 55 de anos que o soliciten.
En Foz permanecen desde o pasado mércores ata hoxe, e en Trabada engadirán tamén o próximo luns. Ata o de agora, as unidades móbiles xa teñen visitado na comarca os municipios de Ourol, Xove, Valadouro, O Vicedo, Alfoz, Mondoñedo, Viveiro, Burela e Cervo.
Nas vindeiras semanas os autobuses continuarán maioritariamente na zona da Mariña. En concreto, as próximas paradas están previstas en Barreiros, dos días 9 ao 12; Ribadeo, do 10 ao 12; Lourenzá, do 13 ao 19; Riotorto, do 13 ao 18; A Pastoriza, do 19 ao 24, e A Pontenova, do 20 ao 24.
O horario de atención é moi amplo, de 9 a 20 horas de luns a venres, salvo festivos. As persoas interesadas en solicitar cita previa ou pedir información poden facelo a través do número de teléfono 622.748.283 e no enderezo de correo electrónico coidadosportaaporta.politicasocial@xunta.gal.
Arias destacou que as unidades móbiles desprázanse por todos os municipios galegos -a excepción das sete grandes cidades- e permanecen entre dous e catro días en cada un para achegar coidados especializados á veciñanza sen necesidade de facer desprazamentos. Realízanse revisións e valoracións auditivas; atención podolóxica para prevención, diagnose e tratamento das principais patoloxías dos pés; e probas de valoración cognitiva ou exercicios de estimulación para a prevención de Alzhéimer e outras demencias neurodexenerativas.
A Xunta investirá 10 millóns de euros nesta iniciativa entre as anualidades 2022 e 2023. O servizo está xestionado pola entidade social Afalu e para prestalo haberá oito unidades móbiles percorrendo a Comunidade, dúas en cada provincia.
Saúdos do Gabinete de Comunicación da Delegación Territorial
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
